• Увеличить размер шрифта
  • Размер шрифта по умолчанию
  • Уменьшить размер шрифта
басылымдар музей-қорық туралы мақалалар Еркінбек Аязбаев. Барлық ұлтты ұйытатын киелі мекенге айналады

Еркінбек Аязбаев. Барлық ұлтты ұйытатын киелі мекенге айналады

Өскемен қаласында қазақтың қамқорлығындағы әр ұлттардың тыныс-тіршілігі мен болмыс-бітімін бейнелейтін этноауыл бой көтереді. Өткен жылы облыс Әкімі Бердібек Сапарбаев осындай бір бастама кетерген-ді.

Этноауыл құрылысы қашан басталады, қашан аяқталады? Жалпы, этноауылдың ерекшелігі, мән-маңызы, ел-жұртқа әкелер пайдасы қандай? Осы сауалдардың қалың жұртшылықты толғандырып жүргені белгілі.

Өткен жылы Өскемен қаласында этноауыл салу жөнінде сез болғаны белгілі.

- Бұл бағыттағы іс-шаралар басталып кетті десе де болады. Этноауыл құрылысын Ертіс өзенінің сол жағалауына, яғни демалыс аймағы аумағына салуды жоспарлап отырмыз. Неге? Өйткені ол жақта қазір үлкен мешіт құрылысы бой көтеріп жатыр. Содан кейін жақында Ұлы Жеңістің 65 жылдығына арналып ашық аспан астындағы мұражай ашылады. Қысқасы, бұл демалыс аймағы қалалықтар үшін үлкен мән-маңызға ие, көз қуантып, көңіл тойдыратын жай ғана демалыс орны емес, рухани демалыс мекені болса деген ойымыз бар. Бір айта кетерлігі, бұл жақта арнасы кеуіп, көп жылдан бері қараусыз қалған өзен бар болатын. Сол өзенніңтамырына қан, бойына жан жүгіртіп, көзін ашсақ па деген де ниетіміз жоқ емес.

Этноауыл салынатын жерде үлкен концерт залы болады. Соның жан-жағына әр түрлі үлттардың этноауылдары бой көтереді. Жалпы, этноауылдың идеясы мынадай. Бұл жерде барлық этноауыл өздерінің шағын іс-шараларын өткізіп, сол жерде топтасып, емен-жарқын әңгімелеседі. Тек қана ресми іс-шаралар емес, бұл жерде олар емін-еркін демалуы керек. Бір сөзбен айтқанда, этноауыл ұлт пен ұлтты жақындастырып, ел мен елді елдестіріп, елімізді мекен еткен өзге ұлттардың аға ұлттың аталы сөзіне ұйып, ұрпаққа оң тәрбие беретін киелі мекен болуға тиіс.

Этноауылдың сызба жұмыстарымен облыстық этнографиялық мұражай мен қалалық әкімдік шүғылданып жатыр. Ол жерге нақты қанша ұлттың ауылы салынатынын қазір дөп басып айта алмаймын. Және барлығына бірдей үй бой көтермейтіні де анық. Бұл ең әуелі олардың өздерінің белсенділігіне де тікелей байланысты.

Елбасы Нұрсұлтан Назарбаевтың жүргізіп отырған саясаты баршамызға белгілі. Ол - елімізді мекен еткен, қазақпен тағдырлас өзге ұлттарды қазақ халқының маңайына шоғырландыру. Этноауылдың салынуы - үлкен мұраттар жолындағы игілікті қадамдардың бірі.

Қазір құрылыс басталып қойды. Шілде айына дейін аяқтауды жоспарлап отырмыз.

Еркінбек Аязбаев

Шығыс Қазақстан облысы

Қазақстан халқы Ассамблеясы

хатшылығының меңгерушісі

г. Дидар, 2010 ж., 30 сәуір

 

Поиск прошедший индексацию в Яндексе

Авторландыру

Счётчики

 

Top.Mail.Ru


Жарнама

Шығыс Қазақстан облыстық сәулет-этнографиялық және табиғи-ландшафттық музей-қорығының ресми сайтына кірушілердің барлығын шын жүректен құттықтаймыз


Күнделікті, келушілердің тапсырыстары бойынша Бейбітшілік көшесі, 29 мекенжайындағы музей ғимаратында Мемлекеттік Орыс музейінің залдары бойынша виртуалды экскурсия жүргізіледі. Михайлов сарайы (Санкт-Петербург). толығырақ>>
БИЛЕТ САТЫП АЛУ



Шығыс Қазақстан облыстық сәулет-этнографиялық және табиғи-ландшафттық музей-қорығының 2023 жылға арналған ЖҰМЫС ЖОСПАРЫ....


Біздің музей өзінің экспозиция залдарына QR-кодтарды енгізді, олар витриналарда, киіз үй мен жекелеген жәдігерлердің жанында орналасқан. Бұл музейге келушілер мен экскурсия жасаушыларға ондағы жәдігерлермен өз бетінше танысуға, олар туралы ақпарат алатын тілді (әзірге қазақ немесе орыс тілдері, ал келешекте ағылшын тілін) таңдауға; танып-білгісі келетін объектіні өз қалауы бойынша таңдап, барынша толыққанды және нақты ақпарат алуға мүмкіндік береді. QR Museum сілтемесіне көшу …