Поиск прошедший индексацию в Яндексе

Авторландыру

Счётчики

Рейтинг@Mail.ru

Директор туралы

Николай Алексеевич Зайцев – Шығыс Қазақстан облыстық сәулет этнографиялық және табиғи-ландшафтық мұражай-қорығының директоры. Н.А.Зайцевтің 40 жыл атқарған қызметі нәтижесінде Бутаково селосындағы мектеп мұражайы Қазақстан Республикасындағы мұражай-қорық мәртебесіне ие болған ірі мұражайға айналды.

 

Республикалық және одақтық ғылыми-практикалық конференцияларға неше мәрте қатысты. Оның тікелей атсалысуымен республикада алғаш рет фольклорлық фестивальдер мен «Сарбаздар ән салғанда» атты сарбаз әні фестивалі өткізілді.

Мерейтойлық іс-шараларды (Қабанбай батырдың 300 жылдығы, Абайдың 150 жылдығы, М.Әуезовтің 100 жылдығы, Астананың тұсаукесері, Алматыдағы құрылтайлар) ұйымдастыруға және өткізуге, жыл сайынғы Президенттік және әкімдік жаңажылдық шыршаларды безендіруге белсенді қатысты. ШҚО шеберлерінің Ресурстық орталығын құру, облыстық сәндік-қолданбалы өнер жәрменкелерін өткізу, жетекші жоғары оқу орындары жанында халықтық өнер шеберлерін даярлау жөніндегі факультеттер құру істерін ұйымдастырушы.

Мұражай 2003 жылы Қазақстанның Ресейдегі жылы аясында Мәскеуде, Барнаулда, Астанада ұйымдастырылған сауда-өнеркәсіптік көрмені безендіруге және мәдени іс-шараларды өткізуге қатысты.

Н.А.Зайцев ИКОМ-ның Қазақстан ұлттық комитетінің вице-президенті, Қазақстан мұражайларын «Мұражайлар қауымдастығына» біріктіру ісін ұйымдастырушы, ҚР халықтарының мәдениеті мен өнері онкүндіктерін ұйымдастырушы, Өскемен қаласының Құрметті азаматы, ШҚО әкімі сыйлығының иегері, «Қазақстанда қолөнердің дамуы және халықтық көркемөнер кәсібінің жандануы» бағдарламасы үйлестіру Кеңесінің мүшесі болып табылады.

Мұражай ісін дамытудағы сіңірген еңбегі және белсенді қоғамдық қызметі үшін Қазақ КСР Жоғарғы Кеңесі Президиумының 1988 жылғы 14 наурыздағы Жарлығымен Н.А.Зайцевке «Қазақ КСР-нің еңбек сіңірген мәдениет қызметкері» атағы берілді.

Мемлекет алдындағы сіңірген еңбегі, белсенді қоғамдық қызметі, еліміздің әлеуметтік-экономикалық қызметі мен мәдениетінің дамуына, халықтар арасындағы достық пен ынтымақтастықты нығайтуға қосқан елеулі үлесі үшін  ҚР Президенті Н.Ә.Назарбаевтың 2007 жылғы 7 желтоқсандағы № 485 Жарлығы бойынша «Құрмет» орденімен наградталды.