"ШҚО халықтарының этнографиялық мұрасы". 2023
 
4 сәуірде ғылыми-ағарту және көпшілікпен жұмысы бөлімінің әдіскері Овчинникованың Е.С. дайындаған зағиптар мен нашар көретін азаматтарға арналған Шығыс Қазақстан арнайы кітапханасының қызметкерлері мен келушілері үшін "ШҚО халықтарының этнографиялық мұрасы" атты іс-шара өтті. Онда музей қорынан алынған жәдігерлер, атап айтқанда, музыкалық аспаптар, қайың қабығынан жасалған ыдыс-аяқ, киіз бен былғарыдан жасалған бұйымдар, тоқыма бұйымдары ұсынылды. Кездесуге қатысушылар біздің аймақта тұратын халықтың өмірінен алынған қызықты фактілер мен ерекше дәстүрлер туралы білді: мысалы, неміс қыздары тұрмысқа шыққанда ақ емес, қара көйлектер кисе, ал марийліктер жат ғаламшардағы адамдардың шығу тегіне сенеді. Іс-шара жанымызда жүрген адамдардың дәстүрі жайлы терең мағлұмат алуға мүмкіндік бергені үшін жақсы пікірлер мен жарқын ой қалыптастырды.
«Өткен заман батырлары туралы». 2023
  
2023 жылдың 29 наурызында ағарту және көпшілікпен жұмыс бөлімінің әскери-патриоттық тәрбие жөніндегі әдіскері В.В. Щеглов, Өскемен қаласының Құрметті азаматы, Ұлы Отан соғысының қатысушысы, халық депутаттары Өскемен қалалық Кеңесінің төрағасы (1968-1980 жж) Василий Севастьянович Карпенкоға (1923 – 2013 гг) арналған «Өткен заман батырлары туралы» атты ерлік сабағы өтті. Іс-шара мұрағаттық фотоқұжаттарды көрсетумен сүйемелденді. Өскемен қаласындағы «№ 36 орта мектеп» КММ-нің 5-сынып оқушылары батылдық сабағының қатысушысы болды. Тыңдаушылар саны – 41 адам.
"Салем, Наурыз!" 2023
 
2023 жылдың 28 наурызында музей-қорықтың қазақ этнографиясы бөлімінің қызметкерлері Л.М. Асылова, Г.М.Бекбердинова, М. Адамбай, Өскемен қаласы әкімдігінің «№37 Негізгі мектеп» КММ қасындағы шағын – орталығыныда Наурыз мейрамына арналған «Қазақ киіз үйінің ішкі безендірілуі» атты көшпелі көрме және «Салем, Наурыз!» атты іс-шара ұйымдастырды.
2023 жылдың 22 наурызында музей-қорықтың орыс этнографиясы бөлімі Наурыз мейрамына арналған «Дәстүрлі орыс тағамдары мен ойындары» іс-шарасына белсенді қатысты. 2023
  
Достық үйінің жанындағы алаң – Қоғамдық келісім орталығы орыс ұлттық тағамдарының көрмелері қойылған орынға айналды, олардың арасында «жаворонки», «тетёры» сияқты тағамдар пісірді, көктемгі күн мен түннің теңелуі күніне дәстүрлі түрде дайындалды және бұл біздің күндерімізге дейін ежелден келе жатыр. Олардан бөлек құймақ, бәліш және т.б. да дәстүрлі тағамдар дайындалды, сондай-ақ самауырдан шай ұсынылды. Мерекеде «Шеңберде қаптармен күрес» атты дәстүрлі орыс әзіл байқаулары ұйымдастырылды. Бұл орыс ойыны Масленица сияқты жаппай орыс мерекелерінде өтті. Балалар бұл жарыстарға ықыласпен қатысып, көрермендерді қуантты және қатысқаны үшін сыйлықтар алды. Қамту: 1500 адам.
Рухани Жаңғыру бағдарламасы аясындағы "Наурыз-бейбітшілік пен ізгілік мейрамы" атты Наурыз мейрамына арналған ақпараттық - ағарту бөлімінің іс-шаралары. 2023
Қазақтың дәстүрлері. 2023
 
Терең дәстүрлі құндылықтардың қайнар көзі және ұлттың бірегейлігін құрудың жоғары шоғырландырушы әлеуеті мен тетігі бар аса маңызды бүкілхалықтық мерекелердің бірі – Наурыз мейрамы қарсаңында музей-қорық директорының ғылыми жұмыс жөніндегі орынбасары Гүлжан Кашакуқызы облыстық «Алтай» телеарнасының және «Дидар» газетінің журналисттерімен кездесті. Қазақ халқының салт-дәстүрлері мен әдет-ғұрпы жайлы әңгімеледі. Осы орайда, музей-қорықтың Солжағалық кешенінде қазақ халқының салт-дәстүрлері мен әдет-ғұрыптарын насихаттау мақсатында көпшілік іс-шаралар, дәрістер, тақырыптық және шолу экскурсияларын үнемі өткізілетінін баяндады. Жаз мерзімінде қазақ ауылында тұсаукесер, беташар дәстүрлері көрсетіліп, қымызмұрындық, ұлттық домбыра күні сынды халықтық мерекелер тойланатыны тілге тиек болды. Әңгіме арқауы атқарылған істер болса, алдағы уақытта атқарылатын жұмыс жоспарымен де бөлісті. Сөз соңында, Солжағалық этнографиялық кешен қазақстандық отансүйгіштікке тәрбиелеуге, достық пен келісімді нығайтуға, дәстүрлерді, салт-саналар мен әдет-ғұрыптарды жаңғыртуға өзіндік үлес қосып отырғанын баса айтты.
«Амал» мерекесі құтты беркелі болсын! 2023
«Әз Наурыз – жаңару мен жаңғырудың бастауы» 2023
Ағарту және көпшілікпен жұмыс бөлімі Өскемен қаласының №8 орта мектебінің жауынгер-интернационалист Ю.Г.Троеглазовты еске алуға арналған іс-шарасына қатысты. 2023
   
2023 жылғы 22 ақпанда ШҚО музей-қорығы ағарту және көпшілікпен жұмыс бөлімінің әскери-патриоттық тәрбие жөніндегі әдіскері Ә.М. Құмарбеков Өскемен қаласындағы №8 ОМ-да Ауғанстандағы соғысқа қатысып, бөтенел халқының тыныштығы үшін өмірін қиған интернационалист-жауынгер Ю.Г. Троеглазовты еске алуға арналған іс-шараға қатысты. Кеңес әскерлері Ауғанстаннан шығарылған кезден бері 34 жыл өтті, бірақ сол бір күндерді еске алу әлі күнге дейін жүректерге салмақ салып келеді.
Ю.Г.Троеглазов №8 орта мектептің оқушысы болды және ол сол кезде бүгінгі күні осындай маңызды іс-шараға ерекше көңіл бөліп, салтанатты түрде қатысқан осынау балалардан сәл ғана үлкен еді. Музей қызметкері "Ауған қопарылысы" атты көрменің жәдігерлерін ұсынып, ауғандық жауынгерлер туралы баяндама әзірледі. Оқушылар арасында интернационалист жауынгерлер, сол біроқиға куәгерлері де болды. Мұндай бірлескен кездесулер ешқашан да мән-мағынасыз өтпейді, олар балалар бойында өздерінің даңқты жерлестерініңерлігі мен табандылығына деген мақтаныш сезімін тәрбиелейді.
"Қош келдің Масленица! Масленица тақырыбындағы орыс суретшілерінің суреттері" виртуалды экскурсия өткізілді. 2023
 
2023 жылдың 1-20 ақпан аралығында Ақпараттық-ағарту бөлімінің қызметкерлері Өскемен қаласының № 7, 11, 18, 19, 29, 34, 36, 38, 39, "Калейдоскоп" балалар сауық орталығы оқушыларына арналған "Қош келдің Масленица! Масленица тақырыбындағы орыс суретшілерінің картиналары» экскурсияларын өткізді.
Экскурсия мерекенің тарихы мен дәстүрлері туралы әңгімемен сүйемелденді. Келушілер В.И.Суриков, К. Е. Маковский, Б. М. Кустодиев, П. Н. Грузинский сияқты орыс суретшілерінің Масленица тақырыбындағы суреттерімен танысты. Сондай-ақ, балалар арнайы дайындалған мерекелік викторина мен халық ойындар мен жарыстарға қатысты. Іс-шара соңында барлық балаларға арналған масленица тақырыбындағы мерекелік мультфильм көрсетілді. Іс-шараны қамту: 506 адам.
"Масленица көктемді еріп келеді". 2023
  ШҚО музей-қорығының ағарту және көпшілікпен жұмыс бөлімінің қызметкерлері Өскемен қаласының орта мектеп оқушыларына арналған "Масленица көктемді еріп келеді" атты театрландырылған танымдық іс-шара өткізеді. Мереке Масленица апталығында өтетін халықтық мерекелердің дәстүрлері мен әдет-ғұрыптарын қамтиды. Залдың дизайны іс-шараның тақырыбына сай келеді, мұнда музей-қорықта мұқият сақталған жәдігерлер қойылған.Театрландырылған іс-шараның басты кейіпкерлері – отана Люкерья, Кузьмич ата, сондай-ақ, Масленицаның басты символын сиқырлы дайындау нәтижесінде өмірге келген Құймақ балалармен қызықты ойын-күлкілер, аңыздар, мақал-мәтелдер түрінде ақпаратпен бөліседі. Құймақ жайындағы хороводтар, өлеңдер, халық ойындары мен частушкалар нағыз көпшілік мерекелердің ауанын жасайды. Іс-шара екі апта бойы өтеді, осы уақытта мерекеге 300-ден астам бала қатысады.
Т.Жүргеновтің 125 жылдығына арналған "Темірбек Жүргеновтің білім беру және мәдени қызметі"атты дөңгелек үстелі .2023
 
2023 жылғы 17 ақпанда ғалым, публицист, қазақ мәдениетінің білгірі, мәдени революцияның белсенді қатысушысы, талантты ұйымдастырушы, КСРО-ның көрнекті мемлекет қайраткері, Қазақ КСР - нің 1-ші ағарту халық комиссары Темірбек Жүргеновтің 125 жылдығына арналған дөңгелек үстел отырысы өтті.
|
|
жаңалықтары
