13 – 15 желтоқсан күндері Жамбыл облысының Тараз қаласында халықаралық «Ancient Taraz-2018» туристік форумы болып өтті. Оған музей-қорықтың халықтық және сәндік-қолданбалы өнер бөлімінің меңгерушісі, ШҚО қолөнершілері Ресурстық орталығының басшысы Райса Мұхамеджанова қатысып қайтты. Форумда ұйымдастырылған қолөнершілердің халықаралық көрмесінде Шығыс Қазақстаннан барған Айман Боқпасарова мен Сайлан Мұқаметбек те болды.

Музей-қорық қызметкерлері жаңа жыл алдында қала мектептерінің балалары үшін Аяз ата және Ақшақармен, торай Хрюшамен, Жалмауыз кемпірмен және басқа да ертегі кейіпкерлерімен театрландырылған ертеңгіліктер өткізуде. Ол мерекелер музейдің әр жерде орналасқан алаңдарында өтуде.

20 желтоқсанда музей-қорықта «Рухани жаңғыру» бағдарламасы аясында Д.П. Багаевтың Павлодардағы мемориалдық музей-үйінен алынған «Өткен күннің дидары» атты фотосурет көрмесі ашылды. Онда Дмитрий Багаевтың Павлодардағы Ертіс өңірінде ғұмыр кешкен қазақ халқының тұрмыс-тіршілігінен 1929-1931 жылдары түсірген 40-тан астам суреті қойылған.

Толығырақ...

13 желтоқсанда ғылыми-ағарту  және көпшілікпен жұмыс бөлімі Қ. Қайсенов көшесі, 67 ғимаратында оқушылармен Қазақстанның Тәуелсіздік күніне арналған «Менің Отаным – Қазақстан» атты тарихи квест өткізді.

2018 жылдың 13 желтоқсанында Қазақстан Республикасының Тәуелсіздігі Күні қарсаңында музей-қорықтың  ақпараттық-білім беру бөлімі  «Тарих беттерін парақтағанда» іс-шарасын өткізді.  Аталған іс-шараға Өскемен қаласының №26 орта мектебінің оқушылары  қатысты (25 адам шамасында).

11 желтоқсанда Оралхан Бөкей атындағы қалалық орталық кітапханада жазушы Оралхан Бөкейдің 75 жылдығына арналған көнференция болып өтті. Онда осынау оқиғаға орайластырылған картиналар көрмесі болды. Аталған көрмеге музей-қорық қызметкері де қатысқан-ды.

2018 жылғы 13 желтоқсан күні Қазақстан Республикасының Тәуелсіздік күніне орай  музей-қорықтың сирек кітаптар және иконажазу бөлімінің қызметкерлері қаладағы № 37 орта мектептің 6 сынып оқушыларына  «Н.Назарбаев және Шығыс Қазақстан жазушылары (Қ.Қайсенов, Ә.Нұршайықов, О.Бөкей)» атты лекция оқыды.

Лекция Н.Ә.Назарбаевтың еңбектерімен, Тұңғыш Президент Музейі сыйлаған жерлес-жазушылар Қасым Қайсенов пен Әзілхан Нұршайықовтың кітаптарымен, фотосуреттерімен, құжаттарымен және мемориалдық заттарымен,  сондай-ақ,  жазушы Оралхан Бөкейдің «Президенттің бір аптасы» мақаласымен таңыстырады.

2018 жылғы 11 желтоқсанда музей-қорықтың сирек кітаптар және иконожазу бөлімінің қызметкерлері «Оралхан Бөкей әлемі» атты ғылыми конференцияға «Оралхан Бөкейдің журналистік қыры» тақырыбындағы баяндамамен қатысты. Конференция көрнекті жазушы Оралхан Бөкейдің 75 жылдығына арналған. Конференцияны О.Бөкей атындағы қалалық кітапхана ұйымдастырды. Конференцияға Астана қаласынан келген қонақтар Оралхан Бөкейдің қарындасы Ғалия Бөкей, жазушы Асқар Алтай, өнертанушы-журналист Назерке Жұмабай, аймақтық ақын-жазушылар, журналистер, С.Аманжолов атындағы ШҚМУ оқытушылары мен студенттері, қала мектептерінің мұғалімдері, кітапханалар мен музейлердің қызметкерлері қатысты.

2018 жылғы 27-30 қарашада Қазақстан Республикасы Тұңғыш Президентінің күнін мерекелеу шеңберінде музей-қорықтыңақпараттық-білім беру бөлімінің мамандары «Менің елімнің Президенті» атты іс-шара  өткізді.

Іс-шараға Өскемен қаласының №39 және №26 мектептерінің оқушылары, С. Аманжолов атындағы ШҚМУ «Туризм» мамандығының бірінші курс студенттері қатысты. 30 қарашада № 5518 әскери бөлімінде әскери қызметшілер мен офицерлерге арналған іс-шара өткізілді.

2018 жылғы 28 қарашада халықтық және сәндік-қолданбалы өнер бөлімінің қызметкерлері Р.Ш. Мұхамеджанова, М.А. Бемм және М.О. Торайғырова Достық үйі – ШҚО қоғамдық келісім орталығының фойесінде Қазақстан халқы Ассамблеясы Шығыс Қазақстан облысының XXV сессиясын өткізу аясында «Халық шығармашылығы» атты стационарлық көрме   ұйымдастырды. Көрмеге орыстың ұлттық стилінде орындалған халықтық және сәндік-қолданбалы өнер бұйымдарының әртүрлі 50-ге тарта бұйымы қойылды. Көрмені барлығы 500-дей адам тамашалады, олардың арасында Шығыс Қазақстан облысының әкімі Д.К. Ахметов те болды.

2018 жылғы 27 және 29 қараша күндері музей-қорықтың сирек кітаптар және иконажазу бөлімінің қызметкерлері қаладағы А.Байтұрсынов атындағы № 20 және № 37 орта мектептердің оқушыларына  «Тұңғыш Президент Музейінің тартуы (музей-қорықтың қор топтамасы негізінде)» атты жылжымалы көрме ұйымдастырды.

Көрме Қазақстан Республикасының Тұңғыш Президенті күніне арналған. ҚР Президенті Н.Ә.Назарбаевтың шығармашылық мұрасы және елбасының әдебиет қайраткерлеріне көрсеткен қолдауы жайлы әңгімелейді.

«Н.Ә. Назарбаев – Ұлт Көшбасшысы». 1 желтоқсанда аталып өтілетін Қазақстан Республикасының Тұңғыш Президенті күніне арналып,  Қ. Қайсенов көшесіндегі 67 ғимаратта болатын көрме осылай аталады. Музей-қорық қызметкерлері осынау зор маңызға ие мереке қарсаңында орта білім беретін оқу орындарының оқушыларымен кездесу өткізді.

«Н.Ә. НАЗАРБАЕВ – ҰЛТ КӨШБАСШЫСЫ» көрмесі Қазақстан Республикасының Тұнғыш Президенті күніне арналған. Қазақстан 2012 жылдың 1 желтоқсанынан бері мемлекеттік мереке  - Тұнғыш Президент күнін атап өтеді. Нұрсұлтан Назарбаев – дәуір символы және дана саясаткер. Тұңғыш Президент күні ұлы стратегтің, дипломаттың әрі реформашының орасан зор еңбегінің заңды нәтижесі болып табылады. Қазіргі заманның ақиқатында мемлекеттің ерекше дәрежесі оның көшбасшысының жеке тұлғасымен айқындалады, ол бүкіл қалыптасу кезеңінде ел дамуының бағытын айқындайды. Мемлекетіміздің басшысы – Ұлт Көшбасшысы Нұрсұлтан Назарбаев Қазақстан үшін, сөзсіз, осындай тұлға болып табылады.

Толығырақ...