• Увеличить размер шрифта
  • Размер шрифта по умолчанию
  • Уменьшить размер шрифта

Құмарова Б. Үш жолаушы

Ертеде үш жолаушы арып-ашып  бір байдың үйіне  түседі. Үй иесі  сараң болып шығып, қонақтарды  үйіне кіргізбей, ол аз десең  дым татырмай, қораға  жатқызыпты. Қорада байдың  аттары  байлаулы  тұр екен. Ашыққан  жолаушының  біріне "Осының  атын сойып  жеп алсақ  қайтеді", - деген  ой келіп, онысын  жолдастарына  айтады. Олар келісе  кетеді де, бірі үйге  жүгіріп барып:

- Байеке, байеке, пышағыңызды  бере тұрыңызшы, атымыз  өлгелі  жатыр, - дейді. Бай сөзге  келместен  пышағын береді.  Біраздан соң екінші жолаушы  байдың бәйбішесінен  қазан сұрап  алады.  Жолаушылар  қазанға  етті толтырып   асып,  піскен кезде  асқа бай мен  бәйбішесін  шақырады. Бай жолаушылардың  шақыруын  қуанышпен  қабыл алып, етке тойып, сорпасын  ішкен соң " Ойпырмай, аттарыңның  өліп қалғаны  жаман болды, енді өз есімдерің кім  болады?" - деп жөн сұрайды. Сонда жолаушылардың  бірі тұрып:

-                                                Менің есімім  - Көрдік-сүйіндік, - депті. Екіншісі:  - Ел жата  түңілдік, - десе үшіншісі: - алдық-ұрдық, - деген екен.

Бай  танысқанына  қуаныш  білдіріп, үйіне кетеді. Ертеңінде  қорада жатқан  қонақтар өзінің  атын сойып, жеп  тайып отырғанын  біліп, бай  санын бір-ақ соғыпты.  Аттан салып, ауылды  аяғынан  тік тұрғызып , "Тез ұстап әкеліңдер, ана үш   алаяқты!" - деп  жар салады. Сонда жиналған халық:

-                 Байеке, біз оларды  кім деп  іздейміз, - деп сұрайды.

-                 Біріншісінің аты - Көрдік-сүйіндік, екіншісінің аты - Ел жата түңілдік,  үшіншісінің  аты - Алдық-ұрдық,  - депті бай.

-                 Сол кезде бір қария  күліп:

-                 Е,  байеке, олардың "Көрдік-сүйіндік" дегені  сенің байлығыңды  көріп  сүйінгендіктерін  айтқаны.  Ал  "Ел жата түңілдік" дегендері  сен қонақасы  бермеген соң, ел  жата  түңілгендерін  білдіргені . "Алдық-ұрдық"  дегендері  аш болған соң  сенің атыңды  сойып , асқандарын  айтқаны екен, - депті.

Сонда ғана бай жолаушылардың тапқырлықпен  өзін  тақырға отырғызып кеткендерін, әрі  өзінің  жетесіздігі  мен сараңдығынан  елдің  алдында  ұятқа  қалғанын  біліп, үндемей  қалған екен.


Б. Құмарова

"Дидар", 07. 03. 1992 ж.

 

Поиск прошедший индексацию в Яндексе

Авторландыру

Счётчики

 

Top.Mail.Ru


Жарнама

Шығыс Қазақстан облыстық сәулет-этнографиялық және табиғи-ландшафттық музей-қорығының ресми сайтына кірушілердің барлығын шын жүректен құттықтаймыз


Күнделікті, келушілердің тапсырыстары бойынша Бейбітшілік көшесі, 29 мекенжайындағы музей ғимаратында Мемлекеттік Орыс музейінің залдары бойынша виртуалды экскурсия жүргізіледі. Михайлов сарайы (Санкт-Петербург). толығырақ>>
БИЛЕТ САТЫП АЛУ



Шығыс Қазақстан облыстық сәулет-этнографиялық және табиғи-ландшафттық музей-қорығының 2023 жылға арналған ЖҰМЫС ЖОСПАРЫ....


Біздің музей өзінің экспозиция залдарына QR-кодтарды енгізді, олар витриналарда, киіз үй мен жекелеген жәдігерлердің жанында орналасқан. Бұл музейге келушілер мен экскурсия жасаушыларға ондағы жәдігерлермен өз бетінше танысуға, олар туралы ақпарат алатын тілді (әзірге қазақ немесе орыс тілдері, ал келешекте ағылшын тілін) таңдауға; танып-білгісі келетін объектіні өз қалауы бойынша таңдап, барынша толыққанды және нақты ақпарат алуға мүмкіндік береді. QR Museum сілтемесіне көшу …