• Увеличить размер шрифта
  • Размер шрифта по умолчанию
  • Уменьшить размер шрифта
жаңалықтары жаңалықтары Біздің мұрамыз – халық қолөнері. 2017

Біздің мұрамыз – халық қолөнері. 2017

«Шебер-2017. Наше наследие»«Шебер-2017. Наше наследие»

Республикалық «Шебер-2017. Біздің мұра» конкурсында музей-қорықтың халықтық және сәндік-қолданбалы өнер бөлімінің меңгерушісі Раиса Мұхамеджановаға қолөнерді дамытуға қосқан көп жылғы үлесі үшін мойындау сертификаты тапсырылды.

Алматыда қазақстандық қолөнершілердің республикалық «Шебер-2017» фестиваль-конкурсы аяқталды. Оған Шығыс Қазақстаннан барған шеберлердің үйлестірушісі Раиса Мұхамеджановамен бірге біздің өңірдің алты сәндік-қолданбалы өнер шебері қатысты. Олардың бұйымдары Қазақстан дәстүрлі қолөнерінің сан алуан спектрін құрайтын фестивальдің жәрмеңкесіне қойылды. Олар: бізкестелеу, зергерлік өнері, тоқымашылық, металды көркем өңдеу және басқалар.

Семей қаласының тұрғындары – Зулай Сұлтанова мен Болат Махажановтың Қазақстан Қолөнершілер одағына мүше болуы фестивальдің айта жүрерлік жаңалығы болды. «Бұл бәрінен бұрын біздің шеберлерге деген сенім, - дейді Раиса Шериазданқызы. – Ендігі жерде сәндік-қолданбалы өнер жәрмеңкелеріне, шеберлік дәрістері мен тренингтерге қатысқан кездерде олардың мәртебелері ерекше биік болады».

«Шебер-2017. Наше наследие»

«Шебер» конкурсының мақсаты Қазақстанда қолөнершілік индустриясының өрістеуіне кеңінен жол ашу және жаңа дарындарды іздестіріп, табу болып табылады. Аталған конкурс республикада тоғызыншы рет өтіп отыр. Ол 2009 жылы алғаш рет ашылғанда катонқарағайлық тоқымашы Гүлнар Қожамжарова оған қатысып, жеңімпаз атанған еді. Шығыс Қазақстанда сондай-ақ, Амангелді Мұқажанов және Сержан Бәшіров сынды суретші-зергерлер, Жолаушы Тұрдығұлов сынды қазақтың ұлттық аспаптарын жасаушы шебер дүниеге келіп, өнерлерімен белгілі болған. Олардың суреттері мен қолдарынан шыққан бұйымдары Раиса Мұхамеджанованың фестивальдан алып келген «Ұлы дала шеберлері» атты альбомға енгізілген екен. «Олар өздері туып-өскен «кіші Отандарын» мақтан тұтады, - дейді ол өзінің жерлестері жайлы, - және бізде өтетін көрмелерге өздерінің  жұмыстарын әкелуге қарсы емес».

Осы тұста музей-қорық біздің облыстан шыққан қолөнерші-шеберлердің еңбектерін үнемі қадағалап отыратындығын да ерекше атап өткен жөн. Соның бір ғана дәлелі – жақында ғана халықтық және сәндік-қолданбалы өнер бөлімінің мұрындық болуымен өткен «Шеберлік баспалдақтары» көрмесі. Жалпы, Шығыс Қазақстанда аталған саланың  өркен жаюына осы бөлімнің меңгерушісі ерекше тер төгіп келеді. Раиса Мұхамеджанованың республикалық «Шебер-2017» конкурсында ие болған мойындау сертификаты оның мәдени және рухани құндылықтарды, тарихи және этнографиялық мұраларды сақтап, дамыту жолындағы еңбегіне берілген лайықты баға деуге толық негіз бар.

 

    

Музей-қорықтың баспасөз қызметі.

 

Поиск прошедший индексацию в Яндексе

Авторландыру

Счётчики

 

Top.Mail.Ru


Жарнама

Шығыс Қазақстан облыстық сәулет-этнографиялық және табиғи-ландшафттық музей-қорығының ресми сайтына кірушілердің барлығын шын жүректен құттықтаймыз


Күнделікті, келушілердің тапсырыстары бойынша Бейбітшілік көшесі, 29 мекенжайындағы музей ғимаратында Мемлекеттік Орыс музейінің залдары бойынша виртуалды экскурсия жүргізіледі. Михайлов сарайы (Санкт-Петербург). толығырақ>>
БИЛЕТ САТЫП АЛУ



Шығыс Қазақстан облыстық сәулет-этнографиялық және табиғи-ландшафттық музей-қорығының 2023 жылға арналған ЖҰМЫС ЖОСПАРЫ....


Біздің музей өзінің экспозиция залдарына QR-кодтарды енгізді, олар витриналарда, киіз үй мен жекелеген жәдігерлердің жанында орналасқан. Бұл музейге келушілер мен экскурсия жасаушыларға ондағы жәдігерлермен өз бетінше танысуға, олар туралы ақпарат алатын тілді (әзірге қазақ немесе орыс тілдері, ал келешекте ағылшын тілін) таңдауға; танып-білгісі келетін объектіні өз қалауы бойынша таңдап, барынша толыққанды және нақты ақпарат алуға мүмкіндік береді. QR Museum сілтемесіне көшу …