• Увеличить размер шрифта
  • Размер шрифта по умолчанию
  • Уменьшить размер шрифта
жаңалықтары жаңалықтары Музей-қорықтағы ұлттық домбыра күні. 2018

Музей-қорықтағы ұлттық домбыра күні. 2018

Рухани жанғыру

«Алтын мұра – домбыра» – биыл  Қазақстан Президенті Н.Ә. Назарбаевтың ұйғарымымен бекітілген Ұлттық домбыра күніне арналған мереке осылай деп аталды. Мереке «Рухани жаңғыру» бағдарламасы шеңберінде Солжағалық кешеннің классикалық музыка аллеясында болып өтті.

Солжағалық кешенге бала-шағаларымен келген адамдар оның ашылуына дейін музей-қорық қызметкерлері әзірлеген театрландырылған отбасылық ойын-сауық бағдарламасын тамашалады. Аталған бағдарлама аясында ертегілер әлемінің падишасы барлық келушілерді мерекеге атсалысуға шақырды. Мереке тура сағат 12.00-де классикалық аллеяда басталды. ШҚО мәдениет, архивтер және құжаттама басқармасына қарасты «Ертіс концерт» КМҚК ұйымдастырған концерттік бағдарламаға белгілі әншілер мен өнер ұжымдары қатысты. Олардың қатарында Шәмші Қалдаяқов атындағы республикалық конкурстың бас жүлдесіне ие болған Нұргүл Қабдоллаева, халықаралық, республикалық, аймақтық және облыстық айтыстардың жүлдегері Абаш Кәкенов, «Алтай» фольклорлық ансамблі мен «Жалында» бишілер ұжымы өнер көрсетті.

Музей-қорықтың көркемөнер салонының кәдесыйлар көрмесінде 30 жылдан бері домбыра жасаумен шұғылданып келе жатқан Орал Кәрібаев домбыра жасау бойынша шеберлік дәрісін өткізді. Қолөнерші шебер аталған  аспапты жасау үшін және ол үнді болып шығуы үшін қандай ағаш түрін таңдау керектігі туралы кеңінен әңгімелеп, көрсетті. О. Кәрібаевтың пікірі- не қарағанда ел Президенті бекіткен бұл мереке домбыраның ғасырдан-ғасырға жалғасып келе жатқан ұлы өнер мұрасы екендігін тағы бір мәрте дәлелдеп тұрғандай.

Ұлттық домбыра күні Солжағалық кешеннің балалар қалашығында да жалғасын тапты. Онда түрлі ойындар ойналды, сондай-ақ, дискотека  ұйымдастырылды. Мерекені жүргізуші домбыраның тарихы мен оған арналып отырған осынау мерекенің мән-маңызы туралы әңгімеледі. «Біз қазақтың ұлттық аспабына қатысты дүниелерді еске ала отырып, нағыз саз бен әуен кеңістігін жасауға тырыстық, – дейді отбасылық ойын-сауық бағдарламасын ұйымдастырушы Ольга Савельева. – Ол дегеніңіз – жылылық, жан ләззаты және бейбітшілік атмосферасы».

 

Музей-қорықтың баспасөз қызметі.

Суретті түсірген Сергей Суров.

 

 

Поиск прошедший индексацию в Яндексе

Авторландыру

Счётчики

 

Top.Mail.Ru


Жарнама

Шығыс Қазақстан облыстық сәулет-этнографиялық және табиғи-ландшафттық музей-қорығының ресми сайтына кірушілердің барлығын шын жүректен құттықтаймыз


Күнделікті, келушілердің тапсырыстары бойынша Бейбітшілік көшесі, 29 мекенжайындағы музей ғимаратында Мемлекеттік Орыс музейінің залдары бойынша виртуалды экскурсия жүргізіледі. Михайлов сарайы (Санкт-Петербург). толығырақ>>
БИЛЕТ САТЫП АЛУ



Шығыс Қазақстан облыстық сәулет-этнографиялық және табиғи-ландшафттық музей-қорығының 2023 жылға арналған ЖҰМЫС ЖОСПАРЫ....


Біздің музей өзінің экспозиция залдарына QR-кодтарды енгізді, олар витриналарда, киіз үй мен жекелеген жәдігерлердің жанында орналасқан. Бұл музейге келушілер мен экскурсия жасаушыларға ондағы жәдігерлермен өз бетінше танысуға, олар туралы ақпарат алатын тілді (әзірге қазақ немесе орыс тілдері, ал келешекте ағылшын тілін) таңдауға; танып-білгісі келетін объектіні өз қалауы бойынша таңдап, барынша толыққанды және нақты ақпарат алуға мүмкіндік береді. QR Museum сілтемесіне көшу …