«Ұлттық Домбыра күні». 2022
Облыс орталығы Өскемен қаласында мәдениет, білім беру және қаланың мәдени мекемелерінің қызметкерлері үшін Алматы қаласындағы Д.А. Қонаев музейінің қызметкерлерімен спикерлік бағдарлама кездесу. 2022
 
2022 жылдың 23-24 маусымында мұражай-қорық қызметкерлері облыстың орталығы Өскемен қаласында мұражай, кітапхана қызметкерлері, ЖОО, колледж оқытушылары және мәдени мекемелердің мамандары үшін Алматы қаласындағы Д. А. Қонаев музейінің қызметкерлерімен спикерлік кездесу ұйымдастырып, өткізді. Сондай-ақ, жеке заттар, фотосуреттер мен құжаттар қойылған "Д.А. Қонаевтың естеліктері мен өмірі" көрмесін құрды. Спикерлер музей-қорық директоры А. В.Тенге зор алғыс пен құрмет білдірді.
Қолөнер шығармашылығының облыстық "Шығыс кәдесыйы" фестиваль-конкурсы. 2022
 
2022 жылғы 22 маусымда Өскемен қаласының Қ. Қайсенов атындағы саябағында "Рухани жаңғыру" бағдарламасы аясында және Президент жариялаған Балалар жылына орай қолөнер шығармашылығының "Шығыс кәдесыйы" атты кезекті фестиваль-конкурсы болып өтті, онда қала әртістерінің қатысуымен концерт, "Шығыс кәдесыйы" республикалық конкурсы жеңімпаздары жұмыстарының көрмесі, кәдесыйлар мен бұйымдар жәрмеңкесі, қолөнершілердің шеберлік дәрістері, атап айтқанда, 12 түр бойынша: қазақ дәстүрлі қолөнері бойынша: тоқу, кестелеу, ши тоқу, қамшы өру, арқан ширату; стильдендірілген орыс тоқымасы, орыстың қоғадан жасалған дәстүрлі тоқымасы, саздан жасалған кәдесыйларды мүсіндеу, қыш құмыралар мен ыдыстарды дәстүрлі нақышта мүсіндеу, ағашқа ою салу және бояу, киіз басу, құрақ құрау бойынша іс-шаралар ұйымдастырылды. Жәрмеңкеге 20-ға тарта шебер қатысты. Қатысушылардың негізгі бөлігі - конкурсқа қатысуға өтінім берген 35 адам.
Халықаралық йога күні өткізілді. 2022
 
Халықаралық ынтымақтастық аясында 2022 жылдың 18 маусымында музей-қорықтың Ақпараттық-білім беру бөлімінің қызметкерлері Ш.М. Карибаева, А. А. Асыл, А. Амангелді ҚР-дағы Үндістан елшілігінің С.Вивекананда мәдени орталығымен бірлесіп Қасым Қайсенов атындағы саябақта Халықаралық йога күнін өткізді.
Йога әуесқойлары мен Өскемен қаласының тұрғындары мереке және сыйлықтар үшін Қазақстан Республикасындағы Үндістан Елшілігі жанындағы С.Вивекананда мәдени орталығына, сондай-ақ, біздің музей-қорығымызға да іс-шараны өткізіп, ұйымдастырғаны үшін алғыс білдіреді. Дилип мырзаға керемет сыйлықтар үшін үлкен алғысымызды білдіреміз.
Викториналы экскурсиялар. "Ертегілер патшасы Ганс Кристиан Андерсен", "Малахит қобдишасы". 2022
  
2022 жылдың 30 мамырынан 10 маусымына дейін ақпараттық-білім беру бөлімінің қызметкерлері Ш. М. Карибаева, А. Асыл, А. Амангелді Өскемен қаласының № 7, 12, 29, 30, 38, 39 орта мектептерінің мектеп жанындағы лагерьлеріне П. Бажовтың ертегілері бойынша "Ертегілер патшасы Ханс Кристиан Андерсен", "Малахит қобдишасы" викториналарымен ойын-сауық-танымдық экскурсиялар өткізді.
Дәріс «И.Н. Крамской. Жан-жүректі тебіренткен суретші». 2022
  
2022 жылғы 6 маусымда ақпараттық-білім беру бөлімінің қызметкерлері Ш.М.Карибаева, А. Асыл, А. Амангелді, №29 орта мектебінің оқушыларына орыс суретшісі Иван Николаевич Крамской жайында «И. Н. Крамской. Жан ақтарған суретші" дәрісін өткізді
Иван Николаевич Крамской орыс суретшілерінің арасында ерекше орын алады. Ол талантты суретші, қоғам қайраткері ретінде ғана емес, сонымен бірге Ресей халқының көркемдік ағартылуына, бүкіл елде өнер мектептерінің, мектептер мен мұражайлардың пайда болуына ықпал еткен өнер сыншысы ретінде де танымал. Ол тұрмыстық, тарихи, портреттік жанрларда жұмыс істеді. Бірақ портрет жанрында үлкен жетістікке жетті. Адамның ең бастысы – "адамдағы адамгершілік". Крамской XIX ғасырдың екінші жартысындағы орыс көркем мәдениеті тарихындағы жетекші орындардың бірін алды.
Ұлытаудан Ақтауға дейін Өскемен арқылы. Сәрсенбай Қотырашевпен кездесу. 2022
 
2022 жылдың 6 маусымы күні музей-қорықта Ұлытаудың 72 жастағы тұрғыны, сәулет ескерткіштерін қалпына келтіру шебері, осы жылдың 31 наурызынан бастап Қазақстан аумағының мыңдаған шақырымын еңсеріп, еліміздің 10 қаласына табан тіреген Сәрсенбай Қотырашевпен кездесу өтті. Жиһанкездің мақсаты – еліміздің басқа өңірлерінің тұрғындарын Ұлытау ауданының тарихымен және киелі жерлерімен таныстыру, қолөнершілік кәсіпті дамыту. Кездесуге заманауи сәндік-қолданбалы өнер шеберлері, "Білім инновация" лицейінің оқушылары шақырылды, олар саяхатшының бағыт-бағдары, Отанымыздың қалалары мен елді мекендері тұрғындарымен кездесулері және осынау бір қызық тағдырлы адамның өмірбаяны туралы сұрақтарға жауап алды.
"Тәуелсіздігіміздің рәміздері". 2022
"Музей түні-2022"
 
2022 жылғы 18 мамырда ШҚО музей-қорығында Балалар жылына және ТМД елдерінің халықтық мәдениетіне арналған "Музей түні-2022" дәстүрлі акциясы болып өтті. Ашылу салтанаты сағат 18.00-де Қ.Қайсенов атындағы этнобақта бастау алған мерекеге С.Вивекананда атындағы (Нұр-Сұлтан қ.) үндімәдени орталығынан келген қонақтар, қаланың үздік балалар ұжымдары, этномәдени бірлестіктердің өкілдері, "Ертіс-концерттің" вокал орындаушылары қатысты. Кеш жүргізушілері Ж.Дәлелханов пен Ю. Павленко саябақтың орталық алаңында 2 сағаттық бағдарлама өткізді. Қонақтар – үндімәдени орталығының директоры (Нұр-Сұлтан) Санджай Веди мырза мен «Казцинк» ЖШС бас директорының сапаны бақылау жөніндегі кеңесшісі Дилип Джоши мырза құттықтау сөзін сөйледі.
Гүл шоғын қою салтанаты. 2022
 
2022 жылғы 18 мамырда сағат 11.30-да ШҚО музей-қорығының Қ. Қайсенов атындағы этнобақ аумағындағы Р. Тагордың кеудемүсіні орнатылған алаңда үнді халқының ұлы перзентіне құрмет көрсетіліп, гүл шоқтарын қою рәсімі болып өтті. Салтанатты шараға ШҚО музей-қорығының директоры Арсен Тен және музей-қорық қонақтары – С.Вивекананда атындағы үнді мәдени орталығының директоры (Нұр-Сұлтан қ.) Санджай Веди мырза, үнді дәстүрлі би және ән мұғалімдері қатысты. Сондай-ақ, Өскемен қаласындағы № 26 мектептің оқушылары мен музей қызметкерлері Р. Тагордың өлеңдерін қазақ және орыс тілдерінде орындады. Іс-шара "Музей түні-2022" атты ауқымды мәдени-ағарту бағдарламасы аясында өтті. Іс-шараға қала қонақтары, музей қызметкерлері, оқушылар мен колледж студенттері, барлығы 50-ден астам адам қатысты.
Сіздердің ерлігіңіз мәңгі өшпес. 2022
 
2022 жылдың 25 сәуірі мен 6 мамыры аралығында Ұлы Отан соғысындағы Жеңістің 77 жылдығына, сондай – ақ, Мәншүк Мәметова мен Талғат Бигельдиновтың 100 жылдықтарына орай ақпараттық-білім беру бөлімінің қызметкерлері Карибаева Ш. М. және Асыл А. А. "Сіздердің ерлігіңіз мәңгі өшпес" аттымұражай-қорықтың қор коллекцияларынан шағын көрме экспонаттары көрсетілуімен, ерлік сабағымен экскурсиялар өткізді. Іс-шара қаланың:№ 11, № 23, № 26, № 29, № 38 орта мектеп оқушылары үшін өткізілді.
Құстар күніне. 2022
2022 жылдың 27 сәуірінде музей-қорықтың Солжағалық кешеніндегі хайуанаттар бағы аумағында құстардың адам өміріндегі маңызын еске түсіруге арналған «Құстар күніне» арналған іс-шара өтті. Ұйымдастырушы өлке фаунасы бөлімінің биологы Ю.В.Павленко барлық қатысушыларды Шығыс Қазақстанның мемлекет қорғауындағы сирек кездесетін, жойылып бара жатқан құстарымен таныстырды. Іс-шараға қатысушылар – балалар мен ересектер ойындар ойнады, құстар туралы викториналық сұрақтарға жауап берді және оригами техникасы арқылы қағаздан тырналар жасады. Құстар - бізге таныс барлық экожүйелердің маңызды қатысушылары, олардың жойылуы табиғи апатқа әкелуі мүмкін.
|
|
жаңалықтары
