Музей-қорықтың көрме жоспарларын түзетуге байланысты «Мектеп жылдары тамаша» көрмесінің орнына 2019 жылдың қазан айының ортасында ашылатын, «Дала жылнамасы» көрмесі қойылады.

Кешірім өтінеміз.

Әкімшілік

2019 жылы 24 тамызда Солжағалық кешенде «Бірліктегі күш» қазақстан-корей ынтымақтастық форумына қатысушылар барды. Делегацияны Шығыс Қазақстан Корейлері Қауымдастығының төрағасы Юлия Вячеславовна Кунст   басқарды. Қонақтарға кешен нысандары бойынша экскурсия жүргізілді. Олар киіз үйдің «Асыл мұра» экспозициясын, этноауылды аралады. Ғылыми қызметкер Т.Е. Свахина корей үйіне экскурсия жасады.

29 тамызда музей-қорық   белгілі суретші-зергер және коллекционер Сержан Мұратұлы Бәшіровтың жеке топтамасынан тұратын  қазақ халқының қолданбалы өнері туындыларының «Бабалар мұрасы – ұрпаққа қазына» («Наследие предков – достояние потомков») атты  көрмесін ұсынады. 

«ЮНЕСКО-ның сапа белгісі» сертификатының иегері Сержан Бәшіров – біздің жерлесіміз, ШҚО, Тарбағатай ауданының тумасы. Сержан Бәшіров ұзақ жылдар бойы  Қазақстанның әр өңірі мен шетелдерге жасаған экспедициялары барысында қазақ дәстүрлі өнерінің мұраларын  зерттей жүріп, топтама жасау үшін олардың стильдік және аймақтық ерекшеліктерінің технологиялары, бұйымның типологиясы, өрнектердің түрлері  туралы материалдар  жинастырды. Көрмеге келушілер назарына сондай-ақ, шебердің ой бірегейлігі мен биік көркемдікпен  орындалған бірқатар авторлық жұмыстары ұсынылады.

Толығырақ...

Жамбыл атындағы саябақта қалалықтар – балалар, жастар және үлкендер үшін жайлы демалыс сыйлауға бағытталған шаруалар жалғасын табуда.

Ендігі жерде мұнда ағаштардың арасын кезіп, жүре бермей немесе орындықтарда отыра бермей, спортпен  шұғылдануға да мүмкіндік мол. Алаңқайдың бетон қабырғаларына воркаутпен, атап айтқанда, көше  гимнастикасымен айналысуға арналған баптамалар (тренажерлар) орнатылған. Алаңқай түрлі спортпен айналысуға  болатын топтамаларының көптігімен таңғалдырады. Оны  қала жастары да бағалауда. Саябақта қосымша орындықтар да көбейе түскен, мұның өзі зейнеткерлер үшін нағыз демалыс орны болады деп күтілуде.

2019 жылдың 3 тамызы күні Қ. Қайсенов атындағы  саябақта сағат 11.00-ден 17.00-ге дейін осымен үшінші рет Шығыс Қазақстан  облысы қолөнершілерінің фестиваль-конкурсы болып өтті. Іс-шараны ШҚО туризм және сыртқы байланыс басқармасының Туристік ақпарат орталығы мен Шығыс Қазақстан облыстық сәулет-этнографиялық және табиғи-ландшафттық музей-қорығы ұйымдастырды. Фестиваль-конкурсқа Өскемен, Семей, Риддер қалалары мен Ұлан, Глубокое, Көкпекті, Бесқарағай аудандарынан барлығы 40 қөлөнерші қатысты. Фестиваль барысында қонақтарға шеберлердің жұмыстарымен қатар ши тоқу, қоға өру, ағашқа ойып, өрнек салу, киіз басу, матадан қуыршақтар және былғарыдан білезіктер жасау сынды  халықтық өнер бойынша шеберлік дәрістері ұсынылды.

2019 жылдың 29-30 шілдесі күндері ОАР-дың Орталық Азия елдеріндегі Төтенше және Өкілетті елшісі Кийтуметци С.Т. Мэттьюс ханым ШҚО-да сапарда болды. Дипломат 30 шілде күні музей директорының орынбасары Е.Ю. Рахматулинамен бірге музей-қорықтың бірқатар көрме нысандарында болды. Елші ханым мен онымен бірге жүргендер М. Горький көшесіндегі 59 ғимаратта орын тепкен «Шығыс Қазақстан қазақтарының ХІХ ғасырдың соңы мен ХХ ғасырдың бірінші жартысындағы этнографиялық мұрасы» атты экспозициямен, кор топтамасынан алынған «Орыс сүлгісі» көрмесімен, сондай-ақ, Қ. Қайсенов (Жастар) этнобағындағы этнографиялық қоныс-үйлермен ден қоя танысты.

Толығырақ...

Экскурсия барысында қонақтар аталған орынның геологиялық ерекшеліктерімен және рельефімен, пайдалы қазбаларымен, Ақбауыр орналасқан Қалба тауының өсімдік және жануарлар әлемімен танысты, Қоржынбай тауының беткейіндегі археологиялық ескерткіштерді, атап айтқанда,  б.д.д. V-III  мың жыл бұрынғы жартастарға салынған суреттерді, жартастардың бетіне ойып салынып, қола дәуірінен және ертеректегі темір ғасырынан қалған гранит қаңқаларды аралап көрді.

2019 жылдың 21 – 24 шілдесі күндері Үндістан Республикасының Қазақстан Республикасындағы Төтенше және өкілетті елшісі Прабхат Кумар мырза Шығыс Қазақстан облысында болды.

Біздің музей-қорық көп жылдан бері Үндістан Республикасының Елшілігімен және үнді мәдениет орталығымен жемісті әріптестік орнатқанын атап өткен жөн.  Мұнда бірнеше мәрте үнді мәдениетінің фестивальдары, көрмелер мен шеберлік дәрістері өтті. Ерекше достықтың белгісіндей болып саябақ аумағында үнді халқының белгілі ұлы, ойшылы, Нобель сыйлығының лауреаты Робиндранат Тагорға кеуде мүсін орнатылған. Сол себепті де мәртебелі қонақтың сапары ерекше мәнге ие.

Толығырақ...

Облыстық музей-қорықта 12 шілдеден бастап жазушы, ЩҚО-ның бас орнитологы, биология ғылымдарының кандидаты Борис Васильевич Щербаковтың 80 жылдығына орайластырылған «Бүкіл ғұмырға созылған соқпақ» атты көрме ашылды.

 Ол 1939 жылдың 5 шілдесінде Өскемен қаласында дүниеге келген.

Толығырақ...

7 шілде күні музей-қорықтың Солжағалық кешенінде ШҚО мәдениет, архивтер және құжаттама басқармасына қарасты «Ертіс концерт» КМҚК шығармашылық ұжымының қатысуымен Ұлттық Домбыра күні аталып өтті.

Ұлттық Домбыра күні 2018 жылы ҚР Тұңғыш Президенті Нұрсұлтан Назарбаевтың ұсынысымен бекітілген болатын. «Домбыра – қазақтың жаны, - дейді Елбасы. – Біздің қазақ халқының әндері жан толқытады және оның мазмұны ерен философияға толы». Мереке «Алтай» фольклорлық ансамблінің өнерімен ашылды. Күні бойы қазақтың ескі халық аспаптарының көрмесі мен қолөнерші шеберлердің шеберлік дәрістері болды. Үлкен киіз үйде белгілі адамдардың музей-қорыққа сыйға тартқан аспаптары, оның ішінде шебер Б.Кеңшілік көшірмесін жасаған Абайдың үш ішекті домбырасы да қойылды.

Музей-қорық 6 шілде күні Иван Купала күнін қарсы алуға арналған «Купала отшашуы» атты мереке өткізді. Бұл күні Солжағалық кешенге келгендер  үшін халықтың дәстүрлі наным-сенімі мен салт-жоралғысына арналған бағдарлама ұсынылды. Мереке «Бастеньки» ансамблі мен басқа да шығармашылық ұжымдардың театрландырылған көрсетілімдерімен  басталды. Қатысушылардың барлығы басты тақырып Иван Купала болған халықтық мерекенің конкурстары мен викториналарына жұмылып кетті. Шығыс славяндарының ескі салт-жоралғылары бойынша  оның құрамдас бөлігіне от, су, және түрлі шөптер енеді. Этноауылдың алдындағы орталық алаңда Купала алауы жағылды. Қалаған адамдар дала гүлдерінен сыпыртқы жасады. Бағдарламаға қырыққұлақтың гүлін іздеу де енген. Ал қырыққұлақтың гүлдемеуі мәселе емес, өйткені Купала түнінде ол да мүмкін. Музей-қорықтың орыс этнографиясы бөлімінің ерік-жігерінің нәтижесінде ол гүл өте әдемі болып шықты. «Купала отшашуы» мерекелік отшашумен аяқталды.

Музей-қорықтың ағарту және көпшілікпен жұмыс бөлімінің қызметкерлері 4 шілде күні «Ульбиночка» балабақшасында Қазақстанның астанасы Нұр-Сұлтан қаласына қатысты танымдық бағдарлама өткізді.