Германия Федеративтік Республикасының Қазақстандағы төтенше және өкілетті елшісі Тило Клиннер, Шығыс Қазақстанға сапары кезінде 25 сәуір күні музей-қорығында болды. Дипломат музей директоры Медет Нұрғалиевпен бірге көрме залдары және Солжағалық кешен аумағын аралады.

Толығырақ...

14 сәуір күні «Жастар» саябағында Қазақстандағы Ғашықтар күніне арналған мереке аталып өтті. Келушілер «Халықтық және сәндік-қолданбалы өнер» бөлімінің қызметкерлері ұйымдастырған мерекеде қолөнершілер жәрмеңкесіне қатысып, концертті тамашалады.

12 сәуір күні,  «Алтай» көрме залында орыс этнографиясы бөлімі әзірлеген «Орыс сүлгісі» атты көрме ашылды. Көрмеде музей-қорық қорынан алынған екі жүзге жуық сүлгілер ұсынылған. Көрменің салтанатты ашылуына «Бастеньки» ансамблі  және «Прялица» балалар фольклорлық ұжымы қатысты.

Толығырақ...

Музей-қорықтағы мекеме қызметкерлерінің балалары арасында «Қазақстанның балалары жемқорлыққа қарсы» атты шығармашылық байқауы өткізілді. Балалардың барлық жұмыстары Солжағалық кешеннің әкімшілік ғимаратына қойылды.

2019 жылдың 30 наурызы күні сағат 10.00-де «Рухани жаңғыру» бағдарламасын жүзеге асыру аясында Қазақстан-Американ еркін университетінде Шығыс Қазақстан облысы, Өскемен қаласындағы 29 мектептің 10-11 сынып оқушылары арасында Қазақстанның тарихы мен мәдениеті бойынша олимпиада болып өтті.

26 наурыз күні музей-қорықта «Тамсандырған Шығыс Қазақстан,  әсемдігімен баураған Қытай» атты көрме салтанатты түрде жабылды. Жабылу салтанатында Қытай Халық Республикасының өкілдері болды.

Шығыс Қазақстанда тұңғыш рет болып өткен осынау іс-шара нағыз ірі шеңбердегі мәдени-туристік көрме болды деді ҚХР-дың Алматыдағы Бас консулдығының консулы Мяо Хунбо мырза. Ол  аталған көрме ШҚО әкімі Даниал Ахметов пен ҚХР-дың Алматыдағы консулдығының бас консулы Чжан Вэем арасында болған кездесуде қол жеткізілген келісімнің нәтижелі жүзеге асуы деп атап өтті.

Наурыз –  көктемнің алғашқы белгілері көрінетін, Жаңа жыл келетін тамаша кез. Наурыз мейрамын негізінен мұсылман мемлекеттерінде тойланса да, діни мейрамға жатпайды, себебі, күн мен түннің теңелуі, табиғаттың жаңаруы халққа жақсы әсерін тигізіп, асыға күткен мейрамды дүркірете тойлайды.

22 наурызда Өскемендегі Республика алаңында Наурызды мерекелеуге арналған іс-шаралар болып өтті. Оған музей-қорық та қатысты.

Мерекелік аумақта орын тепкен жеті киіз үйдің әрқайсысы Қазақстан Республикасының Тұңғыш Президенті Нұрсұлтан Назарбаевтың «Ұлы даланың жеті қыры» атты мақаласының әрбір тарауына арналды. Олардың бәріне дерлік музей-қорықтың қорынан алынған жәдігерлер қойылды.

Музей-қорықта көгілдір көктем мен тіршіліктің жаңаратын кезеңі – Наурызды қарсы алуға арналған іс-шаралар жалғасуда. Ғылыми-ағарту және көпшілікпен жұмыс бөлімінің  қызметкерлері балалармен «Наурыз тойында ойна да күл!» атты бағдарлама өткізуде.

Музей-қорықта көктемнің басты мейрамы – Наурызға арналған іс-шаралар басталып кетті. Қазақ этнографиясы бөлімі   оқушыларға арнап, қазақ халық ертегілері мен аңыздарындағы кейіпкерлердің  қатысуымен өтетін танымдық бағдарлама әзірледі.

10 наурызда облыстық Достық үйінде жергілікті қолөнер шеберлері  бұйымдарының көрмесі ұйымдастырылған Масленица мерекесі болып өтті. Көрмені ұйымдастыруға музей-қорықтың халықтық және сәндік-қолданбалы өнер бөлімі атсалысты.

5 наурыз күні сағат 16.00-де Қ. Қайсенов көшесі, 67 ғимаратындағы көрме залында қазақстандық белгілі зергер Аман Мұқажанның (Алматы қ.) «Дала аңызы» атты көрмесі ашылды. Аталған іс-шараның сұлулық пен жаңару мерекелері – халықаралық  әйелдер күні мен Наурыз мейрамы қарсаңында өтуі ерекше болды.

Толығырақ...