Поиск прошедший индексацию в Яндексе

Авторландыру

Счётчики

Рейтинг@Mail.ru

Көрмелер

Көрмелер

Елімнің ертеңіне сенемін

Рухани жанғыру

«Елімнің  ертеңіне сенемін» атты көрме жазушы-жерлестеріміз Қасым Кайсеновтің 100 жылдығына, Әубәкір Нілібаевтің 90 жылдығына және Еркін Нұразханның 65 жылдығына арналған.

 Көрме мемлекеттік «Рухани жаңғыру» бағдарламасын жүзеге асыру аясында ұйымдастырылды.

Көрмеде музей-қорықтың қор коллекциясындағы жазушылардың  кітаптары, мемориалдық заттары, кескіндемелік және графикалық туындылары ұсынылған.

 Фотоға түсірген: А.А.Мазницын

 

Көрмелер

Рухани жанғыру

Құнды мұралар: бастаулар мен салт-дәстүрле

Солжағалық этнографиялық кешен аймағындағы конференц-зал орналасқан  киіз үйде тұрақты жұмыс істейтін  «Құнды мұралар: бастаулар мен салт-дәстүрлер» көрмесі ашылды.

Көрме  «Рухани жаңғыру» бағдарламасы аясында өтіп жатыр. Көрме өз кезегінде төрт бағдарламадан тұрады, оның бірі  «Рухани қазына» - туған өлкенің салт-дәстүріне, тарихына  және мәдениетіне  деген қызығушылықтың жаңғыруы. Қазақ этнографиясы бөлімінің меңгерушісі Болат Елікпай экспозиция археологиядан басталатынын айтып өтті. Шынында да, витринада тұрған заттар - қазақ халқының көне мәдениетін айқындайтын Шілікті және Берел қорғандарындағы қазба жұмыстарының нәтижесінде  табылған бұйымдар.

   

Көрмелер

Выставка «Необычные марки»«Ерекше маркалар»  көрмес

Қасым Қайсенов көшесі, 67 мекен-жайындағы көрме залында   өскемендік әйгілі коллекционер Евгений Илющенконың дербес көрмесі ашылды. Көрмеде сүргіштен, жібектен, пластикадан  және басқа материалдардан жасалған пошталық маркалар ұсынылған.

 170 жыл ішінде марканы дайындау үшін үйреншікті қағаз ғана емес, капрон, ағаш, сондай-ақ алтын мен күміс те пайдаланылған. Ол пошталық төлемақы белгісі  ғана болмай, біртіндеп коллекционерлердің  назар аударатын нысанына айналды, яғни филателия деп атауға ие болған қозғалысқа өмір берді. Бүгінгі күні пошта маркалары – өнердің миниатюралық нәзік туындысы, әлем бойынша ең әйгілі  және тұрақты коллекциялық нысан. Пошта маркаларының тұпнұсқаларымен экспозициялық-көрмелік жұмыс бөлімі ұйымдастырған «Ерекше маркалар» көрмесінде танысуға болады.


Сергей Суровтың  фото суреті

   

Көрмелер

«Шәкәрім – Абайдың рухани мұрагері» көрмесі

Рухани жанғыру

Портрет Шакарима. Художник Болат ИсинМузей-қорықта «Рухани жаңғыру» бағдарламасы аясында ақын және философ, ұлы Абайдың немере інісі Шәкәрім Құдайбердіұлының 160 жылдығына арналған жаңа көрме ашылды.
Көрмеде Абайдың, Шәкәрімнің және абайтанушылардың еңбектері қойылды. Олардың қатарында қажырлы ізденісінің арқасында Шәкәрім есімін халқына қайтарған белгілі шәкәрімтанушы Қайым Мұхамедхановтың зерттеулері де бар.

Сондай-ақ, көрмеде шығысқазақстандық филолог, журналист, Қазақстан Журналистер одағының мүшесі Қабдылқайыр Құдайбергенов жас кезінде ел аузынан жазып алып, кейін орыс тіліне аударған Шәкәрімнің «Қалқаман-Мамыр» поэмасы алғаш рет көрме төрінен орын тепті.
Сондай-ақ, көрмеге Қазақстан Суретшілер одағының мүшесі Б.К. Исиннің Абай және Шәкәрім шығармаларының желісі бойынша салған кескіндемелік туындылары ерекше ажар берді. Ал оларды Шәкәрім дүниеге келген өлкенің бай табиғаты мен ақын шығармаларындағы кейіпкерлермен тікелей байланысты орындарды өзіндік ізденіспен бейнелеген Қазақстан Суретшілер одағының мүшесі Г.М. Бекбердинованың туындылары әдемі толықтырған.

 
   

Көрмелер

Рухани жанғыру

Выставка «В ритме джаза»

«Джаз ырғағында»

Музей-қорықта суретші Виктор Шевченконың «Джаз ырғағында» атты көрмесі ашылды. Виктор Шевченко Өскемен құрылыс-жол институтының сәулет факультетінде оқып жүргенде-ақ кескіндеме салумен шұғылданды. Ол әртүрлі техниканы пайдаланса да, өзі айтып өткендей, оған ең жақыны акварель болды. Кейінірек ағаштан мүсін жасауға ден қоя бастаған. Суретші сондай-ақ, аэрографты шаңдату мен кең форматты мөрді пайдалану арқылы суреттер жиынтығын (фотоколлаж) жасауды меңгерді. Ол компьютерлік графикамен шұғылданады, ал соңғы кездері инсталляция жасауға талпыныс жасап жүр. 

 Виктор Шевченконың «Құстардың бесік жыры», «Қарттық», «Автопортрет» және басқа да картиналары философиялық мазмұнға өте бай. Оларда өмір шындығы абстрактілі, ғарыштық дүниелермен астасып жатады. Суретшінің мейлі акварельде, мейлі мүсінде, тіпті, жиынтық суреттері мен   инсталляциясында болсын нағыз өмір мен түйсіну шектері ұласып  отырылады. Виктор Шевченконың  кескіндемелерінде сюрреализм өкілдері  -  испандық Сальвадор Дали  мен француз суретшісі Ив Танганың туындылары ерекше беделге ие. Ал соңғы кездері Шевченко Иван  Шишкин мен  Илья  Репиннің шығармашылығына пиететпен қараса,  Иван Айвазовский мен импрессионистерді ерекше ұнатып жүр.

   

JPAGE_CURRENT_OF_TOTAL