Поиск прошедший индексацию в Яндексе

Авторландыру

Счётчики

Рейтинг@Mail.ru





Культура ВКО >> Восточно-Казахстанский областной архитектурно-этнографический и природно-ландшафтный музей-заповедник

Қош келдіңіздер!

Орыс музейі – тарихтың 120 жылы. 2018

Рухани жанғыру

Орыс музейі – тарихтың 120 жылыОрыс музейі – тарихтың 120 жылы

Өскемен қаласындағы «Орыс музейі: виртуалды филиал» ақпараттық-білім орталығының мамандары Санкт-Петербургте Мемлекеттік орыс музейінің ашылғанына 120 жыл толуына орай 2018 жылғы 18 - 20 сәуірде ашық есіктер күнін өткізді.

№: 4, 10,  36 мектептердің бастауыш сыныптарының оқушылары үшін «Орыс музейі – тарихтың 120 жылы» тақырыбында фотосуреттер көрсетіліп, әңгіме өткізілді, сондай-ақ Мемлекеттік орыс  музейінің залдары бойынша виртуалды экскурсия жүргізілді, суретшілер туралы «Фафалямен бірге музейлер еліне» атты ертегілер циклының көрсетілімі ұйымдастырылды.

Суретті түсірген Сергей Суров

   

«Абай Құнанбайұлы (1845-1904)» және «Шәкәрім Құдайбердіұлы (1858-1931)». 2018

Рухани жанғыру2018 жылғы 18 сәуірде сирек кітаптар және икона жазу бөлімінің қызметкерлері Кашаку Гүлжан мен Карчалова Әсел Белоусовка кентіндегі негізгі мектеп оқушыларына «Абай Құнанбайұлы (1845-1904)» және «Шәкәрім Құдайбердіұлы (1858-1931)» тақырыптарындағы жылжымалы көрмелер ұсынды.

Көрмелер Шәкәрім Құдайбердіұлының туғанына 160 жыл толуына арналып, «Рухани жаңғыру» бағдарламасы аясында ұйымдастырылды.

 5 «А», «Б», «В»; 6 «А», «Б», «В»; 7 «А»; 8 «А»; 9 «А» және «Б» сыныптарының оқушылары үшін «Абай Құнанбайұлы (1845-1904)» және «Шәкәрім Құдайбердіұлы (1858-1931)» тақырыптарында лекциялар оқылды.

   

Ғашықтар күніне орай. «Қазақ және орыс дәстүрлеріндегі махаббат туралы жырлар». 2018

«Сыйлықты өз қолыңмен жаса» конкурсы

Рухани жанғыру2018 жылғы 16 сәуірде ғылыми-ағарту және көпшілікпен жұмыс бөлімі  Қозы көрпеш пен Баян сұлу, Петр мен Феврония мысалында қазақ және орыс халықтарының махаббат және отбасылық құндылықтары туралы іс-шара өткізді.Ол Өскемен қаласындағы № 27 мектептің оқушылары үшін өткізілген болатын.

Іс-шарада махаббат туралы өлеңдер оқылып,  конкурстар, сондай-ақ «Жұпты ата», «Бұлақ», «Бақытты жүрек»,  «Романтик-ақын» деген  ойындар ұйымдастырылды, әдеби кейіпкерлер туралы сұрақтары бар викторина өткізіліп, жұмбақтар жасырылды.

 

   

Төлеу Көбдіковтің өмірі мен шығармашылығы (қор топтамасы негізінде). 2018

Рухани жанғыру2018 жылғы 10 сәуірде «Рухани жаңғыру» бағдарламасы аясында Шар қаласындағы Т.Көбдіков атындағы орта мектепте «Алмас тіл асыл сөзден нақыс салып» тақырыбында мектепттік конференция өтті.

Іс-шараның құрметті қонақтары: Халық ақыны Төлеу Көбдіковтің ұрпақтары, абайтанушы А.Қ. Омаров, Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-музейінің қызметкерлері.

   

Мұхтар Әуезовтің өмірі мен шығармашылығы. 2018

Рухани жанғыру2018 жылғы 16 сәуірде  сирек кітаптар және икона жазу бөлімінің қызметкерлері Ахмер орта мектебінің 11 «А» сыныбының оқушыларына «Мұхтар Әуезовтің өмірі мен шығармашылығы» тақырыбында лекция оқыды. Лекция «Ұлттық ғашықтар күні» мерекесіне орай оқылды.

2011 жылдан бері Қазақстанда 15 сәуір –  «Ұлттық ғашықтар күні» мерекесі болып аталады. Мереке жыл мезгілдері ішіндегі ең бір романтикалық кезең – көктемге сай келеді. Ол «Қозы Көрпеш – Баян Сұлу» эпосына негізделген, таза және сұлу ғашықтық сезімін көрсетуге шақырады.

Қозы КөрпешБаян Сұлу – XIII-XIV ғасырлардан бастап жырланып, XIX ғасырдың ортасында қағазға түскен қазақ халқының лиро-эпостық жыры. Поэма Сыбанбай, Бекбау, Жанақ, Шөже ақындардың орындауында ауызша таралған. 20-ға жуық нұсқасының ішінен ең белгілісі - Жанақтың нұсқасы. Кеңестік дәуірде жырдың Жанақ нұсқасын 1936 жылы Мұхтар Әуезов Алматыда шығарды.

 

   

Музей-қорық қорынан алынған XIX ғасырдың соңы мен XX ғасырдағы шамдар мен лампалар. 2018

2018 жылғы 13 сәуірде орыс зтнографиясы бөлімінің ғылыми қызметкері Р.Ю. Нечаев «Н.К. Крупская атындағы мектеп-интернаттың»  оқушылары үшін «Музей-қорық қорынан алынған XIX ғасырдың соңы мен XX ғасырдағы шамдар мен лампалар» атты көшпелі қайырымдылық көрмесін ұйымдастырып, өткізді. Онда музей-қорықтың қор топтамаларынан алынған,  керосин лампалар, керосин және шырағдан шамдар тақырыптарын қамтыған жәдігерлер көрсетілді. Сондай-ақ, Р.Ю. Нечаев «Терезедегі жарық» тақырыбында (электр жарығы келгенге дейінгі тарих) екі қайырымдылық лекциясын оқыды. Олар суретті және бейне материалдарды басшылыққа ала отырып ұсынылды. Өткен ғасырдағы материалдық мәдениет тарихы  жайлы көптеген дүниелермен танысу оқушыларға ерекше қызықты болды. Мұғалімдер аталған іс-шара туралы оң пікірлер айтты.

   

Пасха мерекесіне арналған жәрмеңке-көрме. 2018

Рухани жанғыру

2018 жылғы 8 сәуірде Достық Үйінде – ШҚО қоғамдық келісім үйінде халықтық және сәндік-қолданбалы өнер бөлімінің қызметкерлері Р.Ш. Мұхамеджанова мен М.А.Бемм Өскемен қаласының сәндік-қолданбалы өнер шеберлері бұйымдарының Пасха мейрамына арналған көрме-жәрмеңкесін ұйымдастырып, өткізді. Жәрмеңкеге 14 шебер қатысып, өздері жасаған бұйымдарын (шпоннан, матадан жасалған бұйымдар, тоқыма бұйымдар, жұмсақ ойыншықтар, бижутерия мен т. б.) келушілер назарына ұсынды.

   

Джаз ырғағында. 2018

Выставка художника Виктора Шевченко «В ритме джаза»

Рухани жанғыруБаспасөз-түйіндеме

 Музей-қорықта суретші Виктор Шевченконың «Джаз ырғағында» атты көрмесі ашылады. Виктор Шевченко Өскемен құрылыс-жол институтының сәулет факультетінде оқып жүргенде-ақ кескіндеме салумен шұғылданды. Ол әртүрлі техниканы пайдаланса да, өзі айтып өткендей, оған ең жақыны акварель болды. Кейінірек ағаштан мүсін жасауға ден қоя бастаған. Суретші сондай-ақ, аэрографты шаңдату мен кең форматты мөрді пайдалану арқылы суреттер жиынтығын (фотоколлаж) жасауды меңгерді. Ол компьютерлік графикамен шұғылданады, ал соңғы кездері инсталляция жасауға талпыныс жасап жүр.

   

Экология мәселелеріне бағытталған жаңа қадамдар. 2018

Рухани жанғыру

Музей-қорықтың экологиялық ағарту бөлімінің қызметкерлері өткізіп келе жатқан әңгімелер мен лекциялардың басым бағыттары Шығыс Қазақстанның табиғат жағдайларының ерекшеліктері мен Қызыл кітапқа енген өсімдіктер мен жануарлар тақырыптарынан тұрады.

 Сектор облысымыздың экологиясына қатысты мәселелерге жаңа қадам жасауды жаңғыртумен айналысады. Соған орай аталған шаруа оң шешім табуы үшін оған барлық жастағы адамдарды тартады. Сектор қызметкерлері мектептер мен колледждерге және жоғары оқу орындарына барып, оларды Головков көшесіндегі виртуалды музейге шақырады. Ал көктем мен жаз айларында экологиялық экспозиция орын тепкен Солжағалық кешеннің үлкен  павильонында және музей-қорық бақтарында – тұп-тура табиғат аясында өңіріміздің фаунасы мен флорасы туралы қызықты әңгімелер өткізіледі.

   

Наурыз баршаның басын қосты! 2018

Рухани жанғыруВсех объединил Наурыз! 2018Всех объединил Наурыз! 2018

Музей-қорық қала бойынша ерекше тойланып өткен Наурыз мерекесін өткізуге атсалысты.

Көгілдір көктеммен ілесе келетін жыл басы мерекесі қалыптасқан дәстүр бойынша Республика алаңында болып өтті. Мерекеден бір күн бұрын, 21 наурыз күні музей-қорықтың қазақ этнографиясы бөлімінің қызметкерлері алаңда киіз үй тігіп, онда облыстық мәдениет, архивтер және құжаттама басқармасы латын тіліндегі кітаптардың көшпелі көрмесін ұйымдастырды. Ол кітаптар Семейдің Абай атындағы кітапханасынан әкелінген еді. Олардың  қатарында Абайдың «Қара сөздері», С. Мұқановтың, Б. Майлиннің, С. Сейфуллин мен  Ж. Жабаевтың, сондай-ақ, Н. Гогольдің және басқалардың латын тілінде жарық көрген шығармалары бар. Өскемендегі А.С. Пушкин атындағы облыстық кітапхана директорының кітапханалық жұмыстар  жөніндегі орынбасары Бақыт Әбенованың сөзіне қарағанда, бұл шығарылымдардың барлығы да цифрландырылған және оларды іздейтіндер болып жатса, Қазақстанның Ұлттық кітапханасы мен Семейдің Абай атындағы кітапханаларының сайтынан таба алады.

   

«Наурыз - жыл басы» атты мерекелік іс-шара. 2018

Рухани жаңғыру

2018 жылдың 12 - 20 наурыз күндері қазақ этнографиясы бөлімінің қызметкерлері М. Горький көшесі, 59 мекенжайындағы «Алтай» көрме залында Өскемен қаласындағы мектептердің өтінімі бойынша «Наурыз -  жыл басы» атты мерекелік іс-шара ұйымдастырып, өткізді.

   

Қош келдің, әз-Наурыз! 2018

Көгілдір көктемнің ең басты мерекесі қарсаңында музей-қорықта сәндік-қолданбалы өнер бұйымдарының «Қош келдің, әз-Наурыз!» атты көрмесі ашылды.

Оған облыс орталығының, Семей, Зырян қалалары мен Катонқарағай, Ұлан және Глубокое аудандарының, сондай-ақ, Жаңа Баженов селосы мен Шүлбі кентінің шеберлері өздерінің сан түрлі техникада жасалған жұмыстарын қоймақ. Олар атап айтқанда, ұлттық нақыштағы киіз және тоқылған кәдесыйлар, кілемшелер мен паннолар, интерьерлік қуыршақтар мен ойыншықтар, тігілген және тоқылған кәдесыйлар, былғарыдан жасалған аксессуарлар мен әшекейлер, тасқа орнатылған алқалар мен салпыншақтар, ағашқа ойылған және жазылған кәдесыйлар, қайың қабығынан тоқылған торсебеттер мен құтылар, шпон мен шиыршықталған қағаз шыбықтан жасалған әдемі бұйымдар мен басқа да көптеген дүниелер.

   

Еще статьи...

JPAGE_CURRENT_OF_TOTAL