шеберлердің, коллекционерлердің, суретшілердің көрмелері :

шеберлердің, коллекционерлердің, суретшілердің көрмелері

Менің Қазақстаным» фотокөрмесі. 2011

2011 жылғы 4 наурызда мұражай-қорықтың Горький көшесі, 59 мекенжайындағы ғимаратында «Менің Қазақстаным» фотоеөрмесі ашылды.

Шығыс Қазақстан облыстық сәулет-этнографиялық және табиғи-ландшафтық мұражай-қорығы мен «Кристалл» фотоклубы ұйымдастырған «Менің Қазақстаным» фотокөрмесі Қазақстан Республикасы Тәуелсіздігінің 20 жылдығына арналды.

2011 жылғы 4 наурызда мұражай-қорықтың Горький көшесі, 59 мекенжайындағы ғимаратында «Менің Қазақстаным» фотоеөрмесі ашылды.

Шығыс Қазақстан облыстық сәулет-этнографиялық және табиғи-ландшафтық мұражай-қорығы мен «Кристалл» фотоклубы ұйымдастырған «Менің Қазақстаным» фотокөрмесі Қазақстан Республикасы Тәуелсіздігінің 20 жылдығына арналды.

Экспозицияға 80-ге жуық жұмыстар енген, оларда фотосуреттің барлық жанрлары: портрет, пейзаж, этюд, натюрморт, сюжеттік композиция ұсынылды. Көрмеге қатысушылар – қарапайым адамдар, десек-те олар нәзік сезімді талғамға ие, бізді қоршаған әлемдегі үйлесімділікті байқай білетін жандар. Бүгінде «Кристалл» фотоклубында 40-қа жуық адам бар және ондағы кәсіпқойлар мен әуесқойлардың бәрі өздерінің терең сезімдерін, жан дүниелерінің байлығын, әлемді қабылдауларын және ішкі үйлесімдерін паш етеді.

1968 жылы ұйымдастырылған фотоклуб фотосурет өнеріне еліктеуші және шынайы берілген адамдардың басын біріктірді. «Кристалдықтар» қалалық, аймақтық, бүкілодақтық және халықаралық көрмелерге қатысып, туған қалаларына конкурс жеңімпаздары мен лауреаттарының дипломдармен оралып жүрді. Фотоөнерді белсенді насихаттағаны және жоғарғы кәсібилігі үшін клубқа «халықтық» атағы берілді.

Фотосуреттің сиқырлы әлемі – бұл дүниені жаңа қырынан паш ететін әлем, оны көргің, түсінгің, қабылдағың келе береді. «Кристалл» фотоклубы өнердің бұл түріне немқұрайлы қарамайтын, уақыттың қас-қағым сәтін, қуанышты кездерді көргісі, жаңалық ашқысы келетін жандардың барлығын фотоклубқа шақырады.

Светлана Бирюкованың фотосуреттері

«Менің Қазақстаным» көрмесінің ашылуы.
2011 жылғы 4 наурыз «Кристалл» фотоклубының жетекшісі Светлана Бирюковадан сұхбат алу

Светлана Бирюкова көрменің ашылуы кезінде. 2011 жылғы 4 наурыз

Қысқы ертегі

-----------------------------------------------------------------------

Наталья Бугрованың фотосуреттері

-----------------------------------------------------------------------

Виталий Фисковтың фотосуреттері

Қайырлы таң

Портрет

Репортаждық

-----------------------------------------------------------------------

Сергей Нохрин. 2010 ж.

Әлем поэзиясының кереметтері

-----------------------------------------------------------------------

Дмитрий Ивановтың фотосуреттері

-----------------------------------------------------------------------

Алексей Зинченконың фотосуреттері

Жалғыз

Қарашұбар жылан

Саршұнақ

Мен күн бетінде жатырмын

-----------------------------------------------------------------------

Виктор Корждың фотосуреттері

Шабыт

Портрет

-----------------------------------------------------------------------

Сергей Нохриннің фотосуреттері

«Үйлену тойы» сериясы

----------------------------------------------------------------------

Сергей Смирновтың фотосуреттері

Алёна

Алла Залевская
2008 ж.

Андрей Кратенко

----------------------------------------------------------------------

Қызылша

Кешкі көңіл-күй. 2008 ж.

Виктор Лосев

Қыз арманы

----------------------------------------------------------------------

Юрий Зинченконың фотосуреттері

Күннің батуы

Кекіліктер

Қалба күзі

Өрмекші-секіргіш

----------------------------------------------------------------------

Валерий Эйхлердің фотосуреті

Осинов асуы

----------------------------------------------------------------------

От жалыны шебінде. 2011

2011 жылғы 3 ақпанда мұражай-қорықтың Қ.Қайсенов көшесі, 67 мекенжайдағы ғимаратында «От жалыны шебінде» көрмесі ашылды.

Подробнее...

Қыс ананың қобдишасы. 2010

«Қыс ананың қобдишасы» көрмесінің ашылуы. 3.12.2010ж.

«Қыс ананың қобдишасы» көрмесінің ашылуы. Оң жақтан екінші Юлия Евгеньевна Альхимович – көрмені ұйымдастырушылардың бірі. 3.12.2010ж.

Конкурс тақырыбы қыс мезгіліне және оған қатыстылардың барлығына: қысқы жаңа жылдық мерекеге және атрибуттарға, ойындарға, қызықтарға, қардың жаууына және т.б.арналған. Көрмеде Өскемен, Шемонаиха, Павлодар, Қазан (Татар Республикасы) қалаларынан шеберлер мен әуесқой қолөнершілердің жұмыстары ұсынылған. Бұлар: сәндік панно, кәдесыйлар, ойыншықтар, киімдер, зергерлік бұйымдар. Бұйымдар әр түрлі техникада орындалған: ұсақ моншақтан өру, кестелеу, тігу, тоқу, киізден басу, квиллинг, декупаж және басқа.

Көрме-конкурстың бастамашылары мен ұйымдастырушылары шеберлер Ю.В.Альхимович және О.В.Путинцева болып табылады, олар интернеттің көмегімен қолөнершілерді іздеп тауып, олардың басын біріктірген.

Ольга Валерьевна Путинцева – сәндік-қолданбалы өнерінің шебері, көрмені ұйымдастырушылардың бірі. 3.12.2010ж..

Көктемгі қиялдар. 2011

Мұражай-қорықтың көрме залында ШҚО сәндік-қолданбалы өнер шеберлерінің дәстүрлі «Көктемгі қиялдар» атты облыстық көрмесі өтті, ол 8 наурыз – Халықаралық әйелдер күніне және Наурыз мейрамына орайластырылған болатын.

Подробнее...

Орыс иконы. Ғасырлар арқылы көзқарас. 2010

«Орыс иконы. Ғасырлар арқылы көзқарас» көрмесінде өскемендік жинаушылардың жеке коллекцтяларынан 200-ден астам бұйымдар назарға ұсынылды. Коллекциялардың кейбірі өткен ғасырдың 80-ші жылдарының орта тұсында қалыптаса бастаған болатын.

Көрмеге қойылған коллекциялар Шығыс Қазақстан аумағында қолданыста болған бұйымдардан тұратындықтарымен құнды. Жәдігерлер көркем құймадағы бағыттарды (поморлық, гуслицалық, уралдық және т.б.) уақыттық кең шеңберде (ХҮІІІ ғасырдан бастап ХХ ғасыр басына дейінгі) көрсетіп, ғибадаттық діни бұйымдар арқылы орыс православиесі тақырыбын ашып тұр.

Ескідәстүршілдік тақырыбы көркем құйма (крестер, икондар, бүктемдер) бұйымдарында жақсы берілген, мұндағы көне орыс өнері ХІХ ғасыр – ХХ ғасыр басындағы жоғары көркем шығармаларда жалғасын тапқан.

Көрмеге сюжеттері бойынша өте сирек және көркемдігі жағынан аса құнды бұйымдар қойылған. Көптеген жәдігерлер бірегей болып табылады және алғаш рет көрсетіліп отыр.

Көрмені мұражай мен «Ақ бауыр» қоғамдық бірлестігі ынтымақтаса жүріп әзірлеген. Қоғам мүшелері тарих пен мәдениет ескерткіштерін сақтау және насихаттау жөнінде бірнеше жыл бойы ойдағыдай жұмыс атқаруда.

Шығыс Қазақстан суретшілері. 2010

«Шығыс Қазақстан суретшілері» көрмесі ШҚО бейнелеу өнерінің дамуын барынша айқындаған суретшілердің картиналарын бір экспозициялық кеңістікке жинады. Сіздердің назарларыңызға өздерін шығармашылықта шыңдаған және түрлі бағыттар мен бейнелеу өнерінің стилінде жоғары жетістікке жеткен, кемеліне келген суретші-кескіндемешілер мен графиктердің туындылары ұсынылған.

Атамекен үшін

Томирис – массагеттердің патшайымы

Шыңғыс хан

КСРО және Қазақстан Суретшілер одақтарының мүшесі Н.П.Аштеманың қалыптасуы Суретшілер үйінде өтті. Ол өз талантын графикада және қондырғылы кескіндемеде де байқап көрді. Көп жылдар бойы суретшіні қазақ халқының тарихы, оның қасіреттік сәті толғандырып келеді. Ол өз ойларын «Атамекен үшін», «Томирис – массагеттердің патшайымы», «Шыңғыс хан» және тағы да басқа жұмыстарында қорытып келеді. Н.П.Аштема табиғат сұлулығын «Ай сәулесі түскен Белуха», «Қазақстан даласы» сияқты туындыларында эпостық сарын деңгейіне дейін жеткізді. Суретші өнері туған жердің тарихы мен сұлулығы тақырыбының сарқылмайтындығын дәлелдейді.

Иірім

Көктемнің басы

Ши

КСРО Суретшілер одағының мүшесі А.И.Коробковтың туындылары–ұшы-қиыры жоқ түрлі табиғат әлеміне деген сүйіспеншілікті бейнелеуге арналған. Нақыштар мен көлемдердің пластикалық сұлулығы оның пейзаждарында ішкі тебіреністің бейнелілік әсерін құрайды. Айналадағы дүниеден алшақтай отырып, ол оны өзгертеді, сондай-ақ, керемет нәзік және поэтикалық өз әлемін жасайды (Иірім», «Көктемнің басы», «Ши»).

О.П.Леонова акварельдік кескіндемемен 20 жылдан аса уақыт айналысып келеді. Оның өткір түсті акварельдері нәзік және поэтикалық әлемді сезінуге негізделген. Суретші жұмыстарында ғажайып әлем пайда болады. Ольга Леонова бір орнында тұрмайды, үнемі ізденумен жүреді. Соңғы жылдары ол қатпарлы кескіндеме техникасымен белсенді жұмыс істеп келеді.

Қазақстан Суретшілер одағының мүшесі С.П.Шупляк өнердің әр түрлі саласында жұмыс істейді, бірақ өзін гобелен мен батиктің шеберімін деп есептейді. Әсіресе суық батик техникасында жұмыс жасағанды ұнатады. Ерекше мәнерлі композицияларды табу үшін ол көп тәжірибе жасады.

Ертіс үстіндегі кеш

Аспан бағаналары

А.В.Бердюгиннің кескіндемелері қарапайымдылығымен және бейнелеу тілінің нақтылығымен өзіне қаратады. Бұл сапа «Ертіс үстіндегі кеш», «Аспан бағаналары» және тағы басқа картиналарында айқынырақ сақталған.

Ағайынды Бурнашовтардың омартасы

Алтай патшайымы - Мұзтау

Қазақстан Республикасы Суретшілер одағының мүшесі Л.Т.Зайцев нәзік түстерді таңдайтын талантты кескіндемеші, сондай-ақ, Кенді Алтай табиғатына шексіз ғашық жан. Оның картиналарының негізін Алтай тауы бөктеріндегі саяхаттарынан алған әсерінен туған этюдтары құрайды. Леонид Зайцевтің Алтай тақырыптары «Алтай патшайымы - Мұзтау», «Ағайынды Бурнашовтардың омартасы» бояутақталарында ұсынылған. Л.Т.Зайцевтің пленэрде салынған картиналары өзіндік сұлулықты сезінуге және гүлденген жазғы табиғаттың ерекше күйінен сыр шертеді.

Н.В.Малютин кескіндемелері шын жүректен шыққан қарапайымдылығымен және ешкімге ұқсамайтындығымен ерекшеленеді («Мұғаліммен сырласу», «Еремей ата», «Тарханка»). Суретші айналадағы дүниеге ерекше құрметпен қарайды және шын мәнінде оған қарап шабыттанады

Экспозицияның көлемді бөлігін КСРО Суретшілер одағының мүшесі А.Г.Куклиннің сызба туындылары құрайды. «Адам мен табиғат» және «Ұлы дала» суретші шығармашылығындағы бірден-бір магистральды тақырыптар. Көрмеде ХIХ ғасыр мен ХХ ғасырдың басындағы қазақтардың өмірі мен тұрмысына, Қазақстан табиғатына арналған түпнұсқалық графикалық жұмыстары ұсынылған. Этнографиялық материалды суреттеуде детальдарға, графикалық дәлдіктерге ерекше назар аударылған, композициялық қатардағы шынайылығымен шебердің мына туындылары: «Дүниеге келу», «Зергер», «Текемет» және тағы басқалары ерекшеленеді. Бұл циклде автор сирек техника граттографияға жүгінген. 1998 жылдан бастап Анатолий Григорьевич Ресейде тұрады және жұмыс істейді.

Бүкіл экспозицияны жалпы шолып өткенде мынандай қорытындыға келесің: Шығыс Қазақстан суретшілері өнерінің гуманистік бағыттылығы, өз халқының өмірімен, оның тарихымен және мәдениетімен шығармашылығының тығыз байланыста болу қажеттігін көпшілігінің түсінуі олардың шығармашылығының қайнар көзін айқындаушы бағдаршам болған және болып қалады.

Көктем өрнектері. 2010

Біздің мерекелеріміздің дәстүрлері бойынша біз қысты шығарып салып, жаның мен жүрегіңді жылытатын жас көктемді қуанышты жылы жүзбен қарсы алуымыз керек.

Міне, көптен күткен көктем күндері де келіп жетті, ал олармен бірге біздің сүйікті мерекелеріміз - әйелдердің өзі сияқты сұлу, нәзік, романтикалық 8 наурыз әйелдер мерекесі және өзімен бірге қуанышын, жылылығы мен жайлылығын ала келетін «Наурыз» мерекесі келеді.

Қалыптасқан дәстүр бойынша мереке қарсаңында біздің мұражай-қорықтың көрме залдарында сәндік-қолданбалы өнері бұйымдарының көрмесі ашылады, онда келушілер ШҚО шебер-қолөнершілерінің әр түрлі бұйымдарын: кәдесыйларды, панноларды, қуыршақтарды, әйелдер әшекейлері мен жас шеберлердің шығармашылық жұмыстарын көре алады.

Жыл сайын тұрақты қатысушылармен біз жас қолөнершілер есімдері мен керемет және тартымды, әртүрлі және бір-біріне ұқсамайтын бұйымдарын жарыққа шығарамыз. Әрбір зат өзінше керемет және ғажап. Қайталанып келген бірде-бір бұйым жоқ. Кереметті тудыратын шеберлер өте көп.

Биылғы жылы көрмеге 40 адам қатысып, 300-ден аса жәдігерлерін ұсынды. Қатысушылар түрлі саланың адамдары: мұғалімдер, оқушылар, студенттер және кәсіби суретшілер.

Ф.Б.Хорошилова, Л.А.Юрганова Л.Д.Ильина сияқты шеберлер біздің мұражаймен 1980-ші жылдардан бастап ынтымақтас болып, халықтық материал сабанды пайдалана отырып аппликация техникасында панноларды және түрлі композицияларды жасайды. Олар өз жұмыстарына көп еңбек пен қиялдарын жұмсайды.

Біздің барлық көрмелеріміздің тұрақты қатысушысы, қаламыздың қарт шебері - Т.А.Перетокина. Оның қуыршақтары балалар мен үлкендерге қуаныш сыйлайтыны сөзсіз. Әр көрме сайын талантты шебер өзінің әдемі қуыршақтары мен ойыншықтарын мұражайға сыйға тартады.

Бірнеше жыл қатарынан қарт шебер Р.Е.Игнатова өзінің жаңа, керемет те әдемі кестеленген жұмыстарын жасап келеді. Оның шығармашылығы көрмеге келушілердің көбін таң қалдырып келеді, шебердің өнеріне көңіл аудармай өткен бірді-бір келуші жоқ.

Жетекшісі Р.Ф.Авдеева болып табылатын украин мәдени орталығының (Достық үйі жанындағы) керемет кестеленген «Чаровница» құлақбасы өте керемет. Олардың бұйымдары (панно, қол орамалдар) тек қана біздің қалада ғана емес сондай-ақ, Астанада, Киевте танымал болып, бірінші орындарды, мадақтауларды, дипломдарды иеленді.

Жас шебер Светлана Лисова мен Елена Явонова шебер И.В.Мартыниннің қайыңның қабығынан және шпоннан (құмыралар, шпонмен көмкерілген, бұйымдар, қобдишалар, кулондар, салпыншақтар) дайындаған керемет бұйымдарын айшықты суретпен өрнектеп тамаша бұйымдар паш етті.

Қ.Нұрғалиев атындағы колледждің сәндік-қолданбалы өнері оқытушылары Р.А.Бобровская мен М.М.Белова да көрмелерге жыл сайын қатысып келеді. Олар флористикалық композицияларын және айшықты суретпен өрнектелген түрлі бұйымдарын ұсынып келеді.

Л.П.Рудакова теріден жасалған бұйымдар коллекциясын ұсынып келеді. Олар: кәдесыйлар, әйелдер әшекейлері.

Шебер С.ГЛыкованың нәзік әзілмен балшықтан жасалған адамдардың мүсіндері мен хайуанаттары біздің экспозициямызды көріктендіре түсті.

Өскемен қаласында орналасқан «Огнеупор» ЖШС шағын кәсіпорыны керамикадан кәдесыйлар өнімдерін дайындайды және үнемі мұражаймен ынтымақтасып, қалалық және облыстық жәрмеңкелер мен көрмелерге қатысып келеді.

Технология пәнінің оқытушысы А.Н.Рахымбаев (Ұлан ауданы, Молодежный кенті) Е.А.Волкова, В.Т.Рубцова, Л.Б. Ван, «Әжелер алқасы» орталығынан бір топ әйелдер - Ләззат Балғазина, Нұрғаини Садуақасова бірінші рет қатысып, қазақтардың дәстүрлі бұйымдарын (бөстек-орындыққа арналған жапқыш, алаша - еденге жаятын кілем және тағы басқалар) паш етті.

Жас кәсіби шеберлер Раушан Смағұлованың (Өскемен қаласы) және Маржан Орынбаеваның (Семей қаласы) шығармашылық жұмыстары туралы айтпай кету мүмкін емес. Олардың туындылары - кілемше кестелеу техникасындағы тамаша гобелендер және ұлттық сарындағы тоқымашылық аса көркем шеберлікпен және ептілікпен орындалған.

Тірліктегі махаббат пен қуаныш. 2010

2010 жылғы 5 қарашада М.Горький көшесі, 59 мекенжайындағы мұражай-қорық ғимаратында Қазақстан Республикасы Суретшілер одағының мүшесі, суретші Александр Иванович Коробковтың «Тірліктегі махаббат пен қуаныш» атты көрмесі ашылды.

Подробнее...

Харламовтар отбасының фарфор әлемі. 2008

2008 жылғы 18 қыркүйек – 2009 жылғы 25 қаңтар (Қ.Қайсенов көшесі, 67)

Ресейдің, Германияның, Қытайдың, Чехословакияның, Венгрия мен басқа елдердің ХІХ – ХХ ғасырлардағы 317 фарфор бұйымдары ұсынылған.

Коллекцияның негізін қалаған әрі иесі – Нина Евгеньевна Харламова. Ол фарфорды 35 жыл бойы жинаған: шетелдерге барған сапарларынан әкелген, аукциондарға қатысып жүрген, коллекциясының бір бөлігі – достары мен туыстарының берген сыйлықтары.

JPAGE_CURRENT_OF_TOTAL

Менің Қазақстаным» фотокөрмесі. 2011

От жалыны шебінде. 2011

Қыс ананың қобдишасы. 2010

Көктемгі қиялдар. 2011

Орыс иконы. Ғасырлар арқылы көзқарас. 2010

Шығыс Қазақстан суретшілері. 2010

Көктем өрнектері. 2010

Тірліктегі махаббат пен қуаныш. 2010

Харламовтар отбасының фарфор әлемі. 2008

Меню

Поиск прошедший индексацию в Яндексе

Авторландыру

Счётчики

Жарнама