Осы Қағида жануарларды немесе құстарды Солжағалық кешеннің өлке фаунасы бөліміне (хайуанаттар бағына) беру тәртібін белгілейді.
1. Жалпы ережелер
1.1. Облыс фаунасы бөлімі ШҚО мәдениет басқармасының «Шығыс Қазақстан облыстық сәулет-этнографиялық және табиғи-ландшафттық музей-қорығы» КМҚК-ның Солжағалық кешенінің бөлігі болып табылады. Бұл ашық аспан астындағы музей бөлімі, оның негізгі міндеті – жануарлар дүниесі туралы білімді тарату, ғылыми және мәдени-ағартушылық маңызы зор отандық және шетелдік фаунаның жабайы жануарларын жасанды жағдайда сақтау және көбейту, табиғат туралы білімді тарату, жануарларды қорғауды насихаттау, оларды көрсету және зерттеу.
1.2. Осы қағида «Жануарларға жауапкершілікпен қарау туралы» Қазақстан Республикасының Заңын, сондай-ақ «Ветеринария туралы» Қазақстан Республикасының Заңын басшылыққа ала отырып әзірленді.
2. Жануарлар мен құстарды қабылдау қағидасы
2.1. Ветеринариялық қарап тексеру: жануардың денсаулығын растау үшін мемлекеттік ветеринардың немесе жеке аккредиттелген адамның ветеринариялық тексеруінен өтуі қажет. (қағаз тасымалдағыштағы ветеринариялық қорытынды)
2.2. Ветеринариялық құжаттар: Құтыру, сальмонеллез, бруцеллез, паразитологиялық зерттеулер, аусыл, оба, пастереллез, туберкулез, лептоспироз, трихинеллезге арналған зерттеулерді талдау негізінде ветеринариялық сертификат немесе №1 Н анықтамасын ұсыну қажет.
Карантин: Хайуанаттар бағына орналастырылғанға дейін жануар немесе құс карантинде болады. Растайтын құжаттарды қағаз тасымалдағышта ұсыну.
Сәйкестендіру: жеке немесе топтық сәйкестендіру қажет болуы мүмкін, егер бұл жануарлардың осы түріне арналған болса.
2.4 Қызыл кітапқа енген жануар немесе құс болған жағдайда «Қазақстан Республикасы Экология, геология және табиғи ресурстар министрлігі Орман шаруашылығы және жануарлар дүниесі комитетінің Шығыс Қазақстан аумақтық орман шаруашылығы және жануарлар дүниесі инспекциясы» РМҚК-ның ілеспе құжаттары
2.5 Жоғарыда аталған құжаттар пакетін ұсынғаннан кейін жануарды немесе құсты өлке фаунасы (хайуанаттар бағы) бөлімінің ветеринар дәрігері қарап тексереді, қанағаттанарлық тексеру кезінде жануарға қабылдау-тапсыру актісі жасалады.
Музей-қорықтың өлке фаунасы (хайуанаттар бағы) бөлімінің әкімшілігі жануарларды немесе құстарды қабылдаудан бас тартуға құқылы:
- егер қабылдау қағидаларының тізбесінен қандай да бір құжат болмаса
-егер жануарды немесе құсты стационарлық емдеу қажет болса
-егер өлке фаунасы (хайуанаттар бағы) бөлімінің зоологиялық коллекциясындағы адамның да, жануарлардың да өмірі мен денсаулығына қауіп төндіретін ауру болса.
