2026 жылғы 9 қазанда Этнографиялық музейдің Солжағалық кешеніндегі Кіші павильонда «Кітап оқитын ұлт» жобасы аясында өңір ақындарының ҚАСУ студенттерімен әдеби-танымдық кездесуі өтті. Кездесуге Қазақстан Жазушылар одағының мүшесі Б. Раисова және жас ақын Д. Ауесхан қатысып, жастармен кітаптың адам өміріндегі маңызы мен әдебиеттің жас ұрпақтың дүниетанымына әсері туралы ой бөлісті. Ақындар кітап оқудың ой-өрісті кеңейтіп, адамды ізденіске және рухани кемелденуге жетелейтінін атап өтті. Сондай-ақ жастардың кітапқа деген қызығушылығын арттырып, оқу мәдениетін кейінгі ұрпаққа жеткізудің маңыздылығына тоқталды. Толығырақ ...

«Кітап оқитын ұлт» республикалық жобасы аясында ШҚО этнографиялық музейінің қызметкерлері аты аңызға айналған жазушы, Халық Қаһарманы Қасым Қайсеновтің тағылымды өмірі мен шығармашылық жолына арналған тақырыптық іс-шара өткізді.

Іс-шара спикерлері ретінде тарих ғылымдарының кандидаты Р.С. Чекетаева, тарих ғылымдарының магистрі А.А. Ислямова, сондай-ақ Шығыс Қазақстан облыстық тарихи-өлкетану музейінің қазіргі заманғы тарихты ғылыми-зерттеумен қамтамасыз ету бөлімінің меңгерушісі Т.А. Садуакасова сөз сөйледі.  Толығырақ ...

2026 жылдың 16 қыркүйегінде ШҚО этнографиялық музейінің қызметкерлері құқықтық мәдениетті қалыптастыруға, заңдарды сақтаудың маңыздылығын түсінуге және азаматтық жауапкершілікті дамытуға бағытталған «Заң мен тәртіп» мемлекеттік тұжырымдамасы аясында                «Ы. Алтынсарин атындағы №39 орта мектебі» КММ-нің 9-сынып оқушыларына арнап «Заң жолында: ел тыныштығын күзететін мамандықтар» атты іс-шара өткізді. Оның барысында оқушылар Қазақстан Республикасы азаматтарының құқықтары мен міндеттерін қорғауға бағытталған мамандықтармен танысты. Балалар құқықтық жүйе өкілдерінің қызметі мен олардың атқаратын міндеттері туралы мағлұмат алып, «Заң күзетінде» атты құқықтық викторинаға белсенді қатысты.

ақпараттық-ағарту бөлімі

30 тамызда қала күніне орай Шығыс Қазақстан облыстық этнографиялық музейінің Солжағалық кешені аумағында жаңа экспозициялық нысан –  «Ретро-музейдің» ашылу салтанаты өтті. Жаңа экспозиция келушілерді ХХ ғасырдың тарихи техника үлгілерімен таныстырады.

Маңызды мәдени шараға Шығыс Қазақстан облысының әкімі Н.А. Сақтағанов, шығармашылық зиялы қауым өкілдері, журналистер және қала тұрғындары мен қонақтары қатысты.

Техника – тарихтың бір бөлігі, ал тарих – ұрпақ жадында сақталатын құндылық. Енді  осының барлығын бір жерден тамашалауға болады.

Қосымша фотосурет ...

2026 жылғы 5 шілдеде Солжағалық этнографиялық кешендегі үлкен киіз үйде Ұлттық домбыра күні мен күйші, композитор Дина Нұрпейісованың 165 жылдығына арналған «Күмбірле, домбыра!» атты мерекелік іс-шара өтті.

Қазақ халқының қасиетті музыкалық аспабы – домбыраны және Дина Нұрпейісованың шығармашылық мұрасын таныстыру мақсатында ұйымдастырылған іс-шара қонақтарға көтеріңкі көңіл күй мен ерекше әсер сыйлады.

Іс-шара барысында «Жаңғыру» білім беру және шығармашылық орталығынан домбырашы Ардак Кашей және домбыра жасаудың шебері Казез Жанарбек өз өнерлерін ортаға салды.

Мерекелік бағдарлама аясында көрермендерге викторина, скрапбукинг бойынша шеберлік сағаты, музыкалық аспаптарға арналған әдебиеттер көрмесі, сондай-ақ домбыра жасаушы шеберлердің көрме-жәрмеңкесі ұйымдастырылды.

Қосымша фотосурет ...

Қазақстан Республикасы Мәдениет және ақпарат министрлігі мен Түркия Республикасы Мәдениет және туризм министрлігінің бастамасымен, Түрік Ынтымақтастық және Үйлестіру агенттігінің (ТІКА) қолдауымен ұйымдастырылып отырған «Қазақстан Республикасы музейлерін цифрландыру» халықаралық семинарына Шығыс Қазақстан облыстық архитектуралық-этнографиялық және табиғи-ландшафтық музей-қорығының қызметкері қатысуда. Шара 2026 жылдың 22-26 маусымы аралығында өтіп жатыр. Семинар барысында мамандар мәдени мұраны сақтаудың заманауи технологиялары мен халықаралық цифрлық тәжірибелерді меңгеруде.

Қосымша фотосурет ...

Шығыс Қазақстан облыстық этнографиялық музейінің қызметкерлері «Заң мен тәртіп» тұжырымдамасы аясында М.Шаяхметов атындағы № 23 орта мектеп оқушыларына арнап «Жазушылар құпиясы» атты танымдық іс-шара өткізді.

Қазақстан Республикасының Мәдениет және ақпарат министрлігі дарынды жастарды қолдау және оларды одан әрі ынталандыру мақсатында «Дарын» мемлекеттік жастар сыйлығын (бұдан әрі - Сыйлық) тағайындауға байқау басталғаны туралы хабарлайды.

Ағымдағы жылдың аяғына дейін 10 номинация бойынша лауреаттар анықталатын болады. Сыйлық туралы хабарландыру Министрліктің ресми сайтында https://www.gov.kz/memleket/entities/mam/press/news/details/1242087?lang=kk сілтемесіарқылы орналастырылған.

Аталған конкурсқа өтінімдер ұсыну 2026 жылдың 17 маусымынан бастап 17 қыркүйек аралығында жүргізіледі.

Байқау келесі 10 номинация бойынша өтеді:

2026 жылғы 10 маусымда ШҚО этнографиялық музейінің қызметкерлері «Жұлдыз» жазғы мектебінің оқушыларына, № 43 мектеп-лицейінің жаныңдағы жазғы лагерь балаларына (көрнекті абайтанушы Қайым Мұхамедхановтың туғанына 110 жыл толуына орай) «Абай рухы – Қайым мұрасы» атты іс-шара өткізді. Іс-шара барысында оқушылар жазушының шығармашылығы бойынша танымдық дәріс тыңдады.   Сондай-ақ оларға «Қайым Мұхамедхановтың өмірі мен шығармашылығы этнографиялық музейдің қор топтамасында» атты көшпелі көрме ұсынылды.