Музей-қорық 1 желтоқсанда аталып өтілетін Қазақстан Республикасының Тұңғыш Президенті күнін қарсы алуға дайындалуда. 25 қараша күні сәндік-қолданбалы өнер бөлімінің қызметкерлері «Шығыс Қазақстан халқының мәдени мұрасы» атты фестивальда қазақтың ұлттық шығармашылығы бұйымдарының көрмесін ұйымдастырды. Ол Тұңғыш Президент күні қарсаңында облыстық Достық үйінде өтті. Көрмеге Семей қаласынан келген шеберлер Айман Боқпасарова мен Сәкен Назархан,  ұландық шебер Сайлан Мұкаметбек қатысты. Онда сырмақтар, төсеніш-кілемдер, ағаштан жасалған ыдыстар, «біз кесте» мәнерінде кестелене тігілген майлықтар, жастық тыстары мен көрпешелер қойылды. СҚӨ бөлімінің меңгерушісі   Райса Мұхамеджанова музей-қорық қорынан алынған ағаш тақтайшаларды, киіз бен фетрден жасалған бұйымдар мен басқа да заттарды қойды.

2019 жылдың 15 қарашасы күні музей-қорықтың ақпараттық-ағартушылық бөлімінің меңгерушісі Шынар Кәрібаева мен бөлім қызметкері Анастасия Григорьева танымал қазақ жазушысы, революционер, ақын, белгілі мемлекет және қоғам қайраткерінің туғанына 125 жыл толуына орайластырылған «С. Сейфуллиннің өмірі мен шығармашылық жолы» атты дәріс өткізді.      

Павлодар облыстық көркемсурет музейі өзінің 55 жылдығын атап өтті. Қазіргі уақытта музейде кескіндеменің, графиканың, мүсіннің, сәндік-қолданбалы өнердің қомақты топтамасы жинақталған. Жалпы, музей қорында 6000-нан астам жәдігер бар. Музей-қорық Павлодар көркемсурет музейімен өңіраралық ынтымақтастық және әріптестік шеңберінде тығыз байланыс орнатқан. Мәселен, көркемсурет музейі ақпараттық-ағартушылық бөлімімен «Орыс музейі: виртуалды филиал» бөлімінің жобасы бойынша әріптестікте.

Музей-қорықтың сирек кітаптар бөлімінің аға ғылыми қызметкері Ольга Осерчева Әсел Қаршаловадан қазақ әдебиетінің ұлы классигі, ақын, ойшыл және ағартушы Абай Құнанбайұлының туғанына 175 жыл толуына арналған эстафетаны қабыл алды. Оның «Қара сөздері» ұрпақтарға бағышталған өсиеттің өзіндік жинағы іспетті. Ольга Николаевна 38-ші қара сөзден үзінді оқыды.

«Күллі адам баласын қор қылатын үш нәрсе бар. Ол әуелі  надандық, еріншектік және залымдық – білім-ғылымның жоқтығы,  дүниеде ешбір нәрсені оларсыз біліп болмайды. Білімге талпынбау хайуандық болады. Еріншектік – күллі дүниедегі өнердің дұшпаны. Ол өз кезегінде талапсыздықты, жігерсіздікті, ұятсыздық пен кедейлікті тудырады.  Залымдық – адам баласының дұшпаны. Адам баласына дұшпан болса, адамнан бөлінеді, бір жыртқыш хайуан қисабына қосылады.

ШҚО мәдениет, архивтер және құжаттама басқармасының «Риддер тарихи-өлкетану музейі» КМҚК-да «Рухани жаңғыру» бағдарламасы аясында «Әшекей – халық жанының  айнасы мен тарихы» атты көрме ашылды. Онда қазақ халқының әшекей бұйымдар тақырыбындағы болмысын көрсететін тұрмыстық бұйымдар, сондай-ақ, бейнелеу және қолданбалы өнер заттары орын тепкен. ШҚ облыстық сәулет-этнографиялық және табиғи-ландшафттық музей-қорығының қор топтамаларынан алынған 50-ден астам бұйым қойылды.

14 қарашада Жамбыл  Жабаев ескерткішінің салтанатты ашылуы ақын  атындағы саябақта өтті. Ескерткіш облыс әкімі Даниал Ахметовтің бастамасымен орнатылды. Оның ашылу салтанатында сөз алған аймақ басшысы Өскеменде мұндай ескерткіштің ашылуы қазақ халқының ұлы перзенттерінің галереясын жасауға қосылған үлкен үлес екенін атап өтті. Саябақ поэзиялық кездесулер мен байқаулар алаңына, Қазақстанның белгілі  мәдениет  қайраткерлерінің мұраларын тарататын орынға айналуы керек.

Алматы облысындағы Ж. Жабаев әдеби-мемориалдық музейінің  басшысы, жыр алыбының немересі Салтанат Жамбылова жиналғандарды қала өміріндегі ұмытылмас оқиғамен құттықтады. Ескерткіштің ашылуына Салтанат Тезекбайқызымен бірге Жамбылдың 1945 жылы туған немересі Жеңісхан Жамбылов та келген екен.

Музей-қорық Новосібір қаласындағы бірқатар мекемелермен өзара түсіністік және келісім, сондай-ақ, әріптестік туралы меморандумға қол қойды. Бұлар Новосібір облысының «Новосібір мемлекеттік өлкетану музейі» мемлекеттік автономиялық мәдениет мекемесі, «Р.А.Шило атындағы Новосібір зообағы» МУМ және Ресей Ғылым академиясы Сібір бөлімшесінің Орталық Сібір ботаника бағы.

Әріптестері музей-қорық директорының экспозиция-көрме жұмыстары жөніндегі  орынбасары Евгения Рахматулинаны туған күнімен құттықтады. Осы бір  сәттің  Евгения Юрьевнаға тарих ғылымдарының кандидаты атағының берілуімен сәйкес келуі ерекше еді.  Е. Ю. Рахматулинаға бұл ғылыми дәрежені Алтай мемлекеттік университетінде (Барнаул қ.) қорғаған диссертациясы үшін Ресей Федерациясы Ғылым және жоғары білім министрлігі тағайындаған-ды. Диссертацияның тақырыбы – «Шығыс Қазақстанның 1920-1930 жылдарғы кеңестік модернизация жағдайындағы көркем интеллигенциясы».

2019 жылдың 8 қарашасы күні музей-қорық тұңғыш рет республикалық «Музейлер шеруі» акциясына қосылып, оған қатысушы болады. Іс-шараның мақсаты – Шығыс Қазақстан аумағында тұратын халықтың ұлттық құндылықтарын, тарихын, мәдениеті мен салт-дәстүрін танымал ету.

Сирек кітаптар бөлімінің қызметкері Әсел Қаршалова 42-ші мектептің ең кішкентай оқушыларымен бірге Абай Құнанбаевтың өмірі мен шығармашылығына экскурсия жасады. Экскурсия Солжағалық кешеннің «Абай және оның шәкірті Т. Көбдіков» атты стационарлық көрме орналасқан Кіші павильонында болды. Экскурсия аталған мектеп әкімшілігінің өтінімі бойынша өткізілді. Әсел Қаршалова экскурсияны өткізу барысында балалардың жас мөлшерін де ескере білді. Өйткені, олар мектептің мектепалды дайындық сыныбының оқушылары еді. Әңгіме соңында балалар Болат Исиннің Абай туындылары тақырыбына салған картиналар репродукциясы бойынша мозаика құрастырды.

29 қазан күні ақпараттық-ағартушыық бөлімінің меңгерушісі Шынар Кәрібаева мен аталған бөлімнің қызметкері Анастасия Григорьева қазақ киносы мен театрының аңыз тұлғасы, Қазақ КСР-інің еңбек сіңірген әртісі, Еңбек Қызыл Ту және «Отан» ордендерінің иегері Әмина Өмірзақованың 100 жылдығына арналған іс-шара өткізді. Аталған мерейтой ЮНЕСКО аясында өтуде.

Қазақ даласының ұлы тұлғасы Абай Құнанбайұлының туғанына 175  жыл толуына арналған поэзиялық челлендж-эстафетаны музей-қорықтың сирек кітаптар және иконажазу бөлімінің қызметкері Әсел Қаршалова жалғастыруда. Ол Абайдың «Ғылым таппай мақтанба» атты өлеңінен үзінді оқиды. «#Абай-175» челленджі туралы музей-қорықтың төмендегі сайтынан оқыңыздар:

http://www.vkoem.kz/index.php/kz/zhaalytary/127-zhaalytary/2870-chellendzh-abai175-s-uchastiem-muzeya-zapovednika-2019

Музей-қорықтың баспасөз қызметі