2019 жылғы 1 маусымда Халықаралық балаларды қорғау күнін мерекелеу аясында музей-қорығының ақпараттық-білім беру бөлімінің қызметкерлері Санкт-Петербург қаласындағы Орыс музейінің материалдары бойынша Қазақстан Республикасы Ұлттық ұланының 5518 әскери бөлімі әскери қызметкерлерінің балаларына арналған «Суреші В.Васнецовтың ертегі кейіпкерлерімен бірге ертегілер әлеміне саяхат» атты іс-шара өткізді. Іс-шараға 45 адам қатысты.

8 маусым күні  музей-қорықтың Солжағалық кешеніндегі этноаулда татар халқының ұлттық мерекесі Сабантой атап өтілді. Жүргізушілер қонақтарды үш тілде: татар, қазақ және орыс тілдерінде қарсы алды. Концертке әртүрлі ұлт өкілдері қатысты.

31 мамыр күні С. Аманжолов атындағы Шығыс Қазақстан мемлекеттік университетінде саяси қуғын-сүргін құрбандарын еске алу күніне арналған «Кеңестік кезеңдегі саяси қуғын-сүргін құрбандары: зерттеулер мен еске алулар» тақырыбында республикалық ғылыми-тәжірибелік конференция болып өтті. Оған музей-қорықтың сирек кітаптар және иконажазу бөлімінің меңгерушісі Гүлжан Кашаку қатысты.

31 мамыр Қазақстанда саяси қуғын-сүргін  құрбандарын еске алу күні болып аталып өтіледі. Музей-қорық қызметкерлері Қазақстан Республикасының ішкі істері ұлттық гвардиясының 5518 әскери бөлімінде іс-шара өткізді. Оның барысында әскерилер мемлекетіміз тармхының қасіретті беттері жайлы танып-білді.

19 мамырдан 22 мамырға дейін Қазақстанның елордасында мәдениет және өнер қызметкерлерінің  «Рухани қазына-2019» атты ІІ фестивалі өтті. Музей қызметінің қызметкерлері арасында «Облыстық маңызы бар мемлекеттік музейдің үздік қызметкері» номинациясы бойынша музей-қорықтағы ақпараттық-білім беру бөлімінің меңгерушісі Шынар Карибаева жеңімпаз атанды.

Жамбыл атындағы саябақтың қалпына келтірілуі жалғасуда. Саябақ ортасында қазақ поэзиясының патриархы Жамбыл Жабаевқа жаңа тұғыр мен ескерткіш орнатуға арналған алаң дайындалып жатыр. Басқа да нысандар орнатылады.

Биылғы жылы Жамбыл атындағы  саябақты  абаттандыру аясында Ұлы ақын ескерткішінің астына тұғыр орнатумен бірге  ескерткіштің өзін дайындау  және орнату жоспарланып отыр. Аталған жұмыстар Қазақстан Республикасы Мәдениет және спорт министрінің 2015 жылғы 2 желтоқсандағы «Монументті өнердің жаңа құрылыстарын құру қағидаларын бекіту туралы» № 371 бұйрығына сәйкес жүзеге асырылады. Шығыс Қазақстан облысы Тарих және мәдениет ескерткіштерін қорғау жөніндегі облыстық комиссияның 2018 жылдың 17 қаңтарында өткен жиналыстағы шешімімен Жамбыл ескерткішінің алдын ала жасалған жобасы Қазақстандағы жаңа монументті өнер ескерткіштерін орнату жөніндегі республикалық комиссияның қарауына жіберілген. 2019 жылғы 19 наурыздағы республикалық комиссия отырысында жоба талқыланып, бірауыздан мақұлданды.

Славян жазуы мен мәдениетінің мерекесі қарсаңында орыс этнографиясы мен сирек кітаптар және иконажазу бөлімдері аталған оқиғаға арналған іс-шараларға қатысты. Оның біреуі 19 мамыр күні облыстық Достық үйі\-қоғамдық келісім орталығында болып өтті. Ал 21 мамыр күні аталған бөлімдердің қызметкерлері Оралхан Бөкей атындағы қалалық орталық кітапханадағы ескіні ұнататындар клубының отырысына қатысты.

2019 жылдың 16 мамыры күні музей-қорықтың ақпараттық-ағарту бөлімінің қызметкерлері Жастар жылына орай Өскемен қаласындағы №26  орта мектептің 9 сынып оқушыларына арнап «Мен – патриотпын» атты викторина өткізді. Іс-шараға 25 адам қатысты.

Брейн-ринг түрінде өткен іс-шара барысында оқушылар Қазақстан Республикасының тарихы, географиясы және мәдениеті турасында қойылған  сауалдарға  толыққанды жауап беріп, өздерінің білімдар және топ болып жұмыс істеуге қабілетті екендіктерін танытты.

17 мамыр күні  музей-қорығында Жастар жылына арналған дәстүрлі музей түні өтті. «Музей түні  –  жастар уақыты» акциясына облыс орталығының балалар және жасөспірімдер шығармашылық ұжымдары қатысты. Іс-шара бағдарламасы Жастар саябағының әртүрлі алаңдары мен  музей-қорығының көрме залдарында өтті. Биыл музей түні  «Қымызмұрындық» мерекесімен бірге өткізілді.

«Менің әлемім». Шығыс Қазақстан өнер музейінде ашылған живописьтік полотнолар көрмесі осылай деп аталады. Онда Қазақстан Суретшілер одағының мүшесі, музей-қорықтың аға ғылыми қызметкері Гүлнәр Бекбердинованың картиналары қойылған.

Гүлнәр Бекбердинова Көкпекті ауданының Көкжайық ауылында дүниеге келген және өзінің кіші Отанына деген сүйіспеншілігін өз картиналарында көрсетуден жалыққан емес. Суретшінің «Шебер», «Менің әжем», «Аңшылықта» және басқа да майлы, акварельді картиналарында оның бала кезінен  жүрегіне жақын дүниелер келтірілген. Шебер  қазірде де сол бір  суреттерді өзгелердің түйсік-пайымына жеткізуге тырысады. Олар – ұлттық дәстүрлердің басымдығы, отбасының беріктігі, бақытты махаббат үлгілері.

2019 жылдың 11 мамырында Семей қаласындағы №29 орта мектебінің орта буын оқушылары үшін музей-қорықтың ақпараттық-білім беру бөлімінің қызметкерлері «Санкт-Петербургтегі Мемлекеттік Орыс музейін таныстыру» тақырыбында дәріс оқыды. Іс-шараға 100 адам қатысты.

9 мамыр күні музей-қорықта Ашық есік күні өтті. Әскери кешендегі  Солжағалық саябаққа қонақтар ерекше  көп келді.
Ұлы Отан соғысындағы Жеңіс күніне орай, Солжағалық саябақ аумағында орналасқан музей-қорықтың барлық залдары тегін жұмыс істеді. Қала тұрғындары мен қонақтары саябақтағы әскери кешенде өткен 1938-1970 жылдар үлгісіндегі әскери техникалар көрсетіліміне ерекше қызығушылық танытты. Әрине, кешен павильондарының бірінде орналасқан «Өмір үшін өлімге бас тіккендер» экспозициясы келушілердің назарынан тыс қалмады. Ол соғыс жылдарында шайқасқа қатысқан  шығысқазақстандық     Кеңес Одағының  109 батырына  арналған. Бұл жерде тақырыптық турлар өтті.