Шығыс Қазақстан облыстық этнографиялық музейінің қызметкерлері «Заң мен тәртіп» тұжырымдамасы аясында М.Шаяхметов атындағы № 23 орта мектеп оқушыларына арнап «Жазушылар құпиясы» атты танымдық іс-шара өткізді.

Қазақстан Республикасының Мәдениет және ақпарат министрлігі дарынды жастарды қолдау және оларды одан әрі ынталандыру мақсатында «Дарын» мемлекеттік жастар сыйлығын (бұдан әрі - Сыйлық) тағайындауға байқау басталғаны туралы хабарлайды.

Ағымдағы жылдың аяғына дейін 10 номинация бойынша лауреаттар анықталатын болады. Сыйлық туралы хабарландыру Министрліктің ресми сайтында https://www.gov.kz/memleket/entities/mam/press/news/details/1242087?lang=kk сілтемесіарқылы орналастырылған.

Аталған конкурсқа өтінімдер ұсыну 2026 жылдың 17 маусымынан бастап 17 қыркүйек аралығында жүргізіледі.

Байқау келесі 10 номинация бойынша өтеді:

2026 жылғы 10 маусымда Шығыс Қазақстан облыстық этнографиялық музейінің Қ.Қайсенов атындағы этнобағында «Қымызмұрындық» іс-шарасы өтті.

Қымыздың дайындалу тәсілімен таныстыру, ұлы даланың қастерлі сусынына қатысты салт-дәстүрлерді насихаттау мақсатында ұйымдастырылған іс-шара қонақтарға көтеріңкі көңіл-күй сыйлады.

Іс-шара барысында «Нұр-Алтай» және «Қарлығашым» би ұжымдары, «Жаңғыру» шығармашылық орталығы, Достық үйі – қоғамдық келісім орталығының «Ақниет», «Атамұра», «Дея» ансамбльдері, әншілер Қуаныш Оралбаев және Аслан Шыңғысбекұлы өнер көрсетті.

Шара аясында көрермендерге викторина сұрақтары қойылып, бал қымыз ұсынылды.

Қосымша фотосурет ...

2026 жылғы 29 мамырда Шығыс Қазақстан облыстық этнографиялық музейінде Халықтар этнографиясы және аз санды этникалық топтар бөлімінің ұйымдастыруымен саяси қуғын-сүргін және ашаршылық құрбандарын еске алу күніне арналған «Қасіретті жылдар жаңғырығы» атты дөңгелек үстел өтті.

Іс-шараның мақсаты – ХХ ғасырдың 20–50-жылдарындағы саяси қуғын-сүргін мен депортация жылдарының тарихи шындығын насихаттау, жазықсыз жапа шеккен азаматтардың есімдерін ұлықтау, тарихи жадыны сақтау және өскелең ұрпаққа отансүйгіштік тәрбие беру.

Шараға Сәрсен Аманжолов атындағы Шығыс Қазақстан университетінің студенттері Айым Смағұлова, Жаннұр Ордабай және магистрант Сайдахмет Нұртай Болатұлы қатысып, «Қуғын-сүргін құрбандары: дерек пен дәйек» тақырыбында баяндама жасады. Баяндама барысында архивтік құжаттар мен тарихи деректер негізінде қуғын-сүргін жылдарындағы оқиғаларға жан-жақты тоқталды.

Толығырақ ...

2026 жылғы 1-15 маусым аралығында ШҚО этнографиялық музейінің ақпараттық-ағарту бөлімінің қызметкерлері Өскемен қаласының мектеп жанындағы лагерьлерінің балаларына арналған «Ойна да күл, шаттан!» атты танымдық-демалыс іс-шарасын өткізеді.

Іс-шара аясында балалар үшін қуаныш, шығармашылық және мерекелік көңіл күй атмосферасы құрылды, сондай-ақ қызықты ойындар мен танымдық тапсырмалар арқылы олардың ой-өрісі кеңейтіледі. Жас келушілер көңілді байқауларға, қимылды ойындарға, билерге және қызықты викториналарға қатысады.

Қосымша фотосурет ...

Мақаншы ауданының мәдениет үйінде Қазақстан Суретшілер одағының мүшесі, облыс әкімі сыйлығының лауреаты Болат Каримұлы Исиннің «Көркем шежіре» көрмесі ашылып, көрермендерді 2018-2026 жылдар аралығында салынған акварель жұмыстарының сериясымен таныстырды. Көрмені Шығыс Қазақстан этнографиялық музейі мен Абай облысы Мақаншы ауданының мәдениет, тілдерді дамыту, дене шынықтыру және спорт бөлімі бірлесіп ұйымдастырды.

Ашылу салтанатында аудан әкімі Д.Б. Қойгельдинов сөз сөйлеп, суретшіге Құрмет грамотасын табыс етті, сондай-ақ музейге Абай портретін сыйға тартты. Іс-шараға мәслихат депутаттары, суретшінің әріптестері, қолданбалы өнер саласының оқытушылары мен жергілікті тұрғындар қатысты.

Толығырақ...

«Заң мен тәртіп» тұжырымдамасы аясында 2026 жылғы 19 мамырда ақпараттық-ағарту бөлімінің қызметкерлері Өскемен қаласы бойынша білім бөлімінің «Нашар көретін балаларға арналған №14 мектеп-балабақша кешені» КММ оқушылары үшін «Ертегілер музейіне саяхат» атты әлеуметтік-қайырымдылық іс-шарасын өткізді.

Іс-шара барысында барлық қатысушылар үшін қолжетімді әрі қолайлы орта қалыптастыруға ерекше назар аударылды.

Бағдарламаның соңында жас келушілер үшін «Мейірімді ертегілер әлемінде» атты викторина ұйымдастырылды.

2026 жылғы 21 сәуір мен 11 мамыр аралығында ақпараттық-ағарту бөлімінің қызметкерлері Өскемен қаласының жалпы білім беретін мектеп оқушыларына арналған «Зүбәржат қаласының сиқыршысы – ертегі әлеміне саяхат» атты танымдық экскурсия өткізді. Іс-шара белгілі ертегі жазушысы Александр Мелентьевич Волковтың 135 жылдығына орай ұйымдастырылды.

Экскурсия Өскемен қаласының тумасы, жас оқырмандарға ертегілер мен шытырман оқиғаларға толы ғажайып әлем сыйлаған көрнекті жазушының өмірі мен шығармашылығымен балаларды таныстыруға бағытталды. Оның шығармалары қатарында «Зүбәржат қаласының сиқыршысы», «Урфин Джюс және оның ағаш сарбаздары», «Жер асты жеті патшасы», «Тастанды қамалдың құпиясы» және т.б.

Бағдарлама соңында жас келушілер үшін «Зүбәржат қаласының құпиялары» атты тақырыптық викторина өткізілді. Қосымша фотосурет ...

2026 жылғы 4-12 мамыр аралығында ақпараттық-ағарту бөлімінің қызметкерлері Өскемен қаласындағы жалпы білім беретін мектеп оқушыларына Ұлы Жеңістің 81 жылдығына және Шығыс Қазақстан мен Қазақстанның Ұлы Отан соғысы батырларына арналған «Жеңіс жолы: тұлғалар мен оқиғалар тарихында» атты экскурсия өткізді.

Экскурсияның мақсаты – оқушылардың бойында патриоттық сезімді қалыптастыру, ел тарихына құрмет пен соғыс жылдарындағы халықтың ерлік рухына тағзым ету. Экскурсияда оқушылар Ұлы Отан соғысының маңызды оқиғаларымен танысып, Ұлы Жеңіске жетуге үлес қосқан майдангерлер мен тыл еңбеккерлерінің ерлігі мен жанқиярлығы туралы мәлімет алды.

Толығырақ...