2018 жылғы 16 сәуірде ғылыми-ағарту және көпшілікпен жұмыс бөлімі  Қозы көрпеш пен Баян сұлу, Петр мен Феврония мысалында қазақ және орыс халықтарының махаббат және отбасылық құндылықтары туралы іс-шара өткізді.Ол Өскемен қаласындағы № 27 мектептің оқушылары үшін өткізілген болатын.

Іс-шарада махаббат туралы өлеңдер оқылып,  конкурстар, сондай-ақ «Жұпты ата», «Бұлақ», «Бақытты жүрек»,  «Романтик-ақын» деген  ойындар ұйымдастырылды, әдеби кейіпкерлер туралы сұрақтары бар викторина өткізіліп, жұмбақтар жасырылды.

2018 жылғы 10 сәуірде «Рухани жаңғыру» бағдарламасы аясында Шар қаласындағы Т.Көбдіков атындағы орта мектепте «Алмас тіл асыл сөзден нақыс салып» тақырыбында мектепттік конференция өтті.

Іс-шараның құрметті қонақтары: Халық ақыны Төлеу Көбдіковтің ұрпақтары, абайтанушы А.Қ. Омаров, Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-музейінің қызметкерлері.

2018 жылғы 16 сәуірде  сирек кітаптар және икона жазу бөлімінің қызметкерлері Ахмер орта мектебінің 11 «А» сыныбының оқушыларына «Мұхтар Әуезовтің өмірі мен шығармашылығы» тақырыбында лекция оқыды. Лекция «Ұлттық ғашықтар күні» мерекесіне орай оқылды.

2011 жылдан бері Қазақстанда 15 сәуір –  «Ұлттық ғашықтар күні» мерекесі болып аталады. Мереке жыл мезгілдері ішіндегі ең бір романтикалық кезең – көктемге сай келеді. Ол «Қозы Көрпеш – Баян Сұлу» эпосына негізделген, таза және сұлу ғашықтық сезімін көрсетуге шақырады.

Қозы Көрпеш – Баян Сұлу – XIII-XIV ғасырлардан бастап жырланып, XIX ғасырдың ортасында қағазға түскен қазақ халқының лиро-эпостық жыры. Поэма Сыбанбай, Бекбау, Жанақ, Шөже ақындардың орындауында ауызша таралған. 20-ға жуық нұсқасының ішінен ең белгілісі - Жанақтың нұсқасы. Кеңестік дәуірде жырдың Жанақ нұсқасын 1936 жылы Мұхтар Әуезов Алматыда шығарды.

2018 жылғы 13 сәуірде орыс зтнографиясы бөлімінің ғылыми қызметкері Р.Ю. Нечаев «Н.К. Крупская атындағы мектеп-интернаттың»  оқушылары үшін «Музей-қорық қорынан алынған XIX ғасырдың соңы мен XX ғасырдағы шамдар мен лампалар» атты көшпелі қайырымдылық көрмесін ұйымдастырып, өткізді. Онда музей-қорықтың қор топтамаларынан алынған,  керосин лампалар, керосин және шырағдан шамдар тақырыптарын қамтыған жәдігерлер көрсетілді. Сондай-ақ, Р.Ю. Нечаев «Терезедегі жарық» тақырыбында (электр жарығы келгенге дейінгі тарих) екі қайырымдылық лекциясын оқыды. Олар суретті және бейне материалдарды басшылыққа ала отырып ұсынылды. Өткен ғасырдағы материалдық мәдениет тарихы  жайлы көптеген дүниелермен танысу оқушыларға ерекше қызықты болды. Мұғалімдер аталған іс-шара туралы оң пікірлер айтты.

2018 жылғы 8 сәуірде Достық Үйінде – ШҚО қоғамдық келісім үйінде халықтық және сәндік-қолданбалы өнер бөлімінің қызметкерлері Р.Ш. Мұхамеджанова мен М.А.Бемм Өскемен қаласының сәндік-қолданбалы өнер шеберлері бұйымдарының Пасха мейрамына арналған көрме-жәрмеңкесін ұйымдастырып, өткізді. Жәрмеңкеге 14 шебер қатысып, өздері жасаған бұйымдарын (шпоннан, матадан жасалған бұйымдар, тоқыма бұйымдар, жұмсақ ойыншықтар, бижутерия мен т. б.) келушілер назарына ұсынды.

Музей-қорықтың экологиялық ағарту бөлімінің қызметкерлері өткізіп келе жатқан әңгімелер мен лекциялардың басым бағыттары Шығыс Қазақстанның табиғат жағдайларының ерекшеліктері мен Қызыл кітапқа енген өсімдіктер мен жануарлар тақырыптарынан тұрады.

 Сектор облысымыздың экологиясына қатысты мәселелерге жаңа қадам жасауды жаңғыртумен айналысады. Соған орай аталған шаруа оң шешім табуы үшін оған барлық жастағы адамдарды тартады. Сектор қызметкерлері мектептер мен колледждерге және жоғары оқу орындарына барып, оларды Головков көшесіндегі виртуалды музейге шақырады. Ал көктем мен жаз айларында экологиялық экспозиция орын тепкен Солжағалық кешеннің үлкен  павильонында және музей-қорық бақтарында – тұп-тура табиғат аясында өңіріміздің фаунасы мен флорасы туралы қызықты әңгімелер өткізіледі.

Музей-қорық қала бойынша ерекше тойланып өткен Наурыз мерекесін өткізуге атсалысты.

Көгілдір көктеммен ілесе келетін жыл басы мерекесі қалыптасқан дәстүр бойынша Республика алаңында болып өтті. Мерекеден бір күн бұрын, 21 наурыз күні музей-қорықтың қазақ этнографиясы бөлімінің қызметкерлері алаңда киіз үй тігіп, онда облыстық мәдениет, архивтер және құжаттама басқармасы латын тіліндегі кітаптардың көшпелі көрмесін ұйымдастырды. Ол кітаптар Семейдің Абай атындағы кітапханасынан әкелінген еді. Олардың  қатарында Абайдың «Қара сөздері», С. Мұқановтың, Б. Майлиннің, С. Сейфуллин мен  Ж. Жабаевтың, сондай-ақ, Н. Гогольдің және басқалардың латын тілінде жарық көрген шығармалары бар. Өскемендегі А.С. Пушкин атындағы облыстық кітапхана директорының кітапханалық жұмыстар  жөніндегі орынбасары Бақыт Әбенованың сөзіне қарағанда, бұл шығарылымдардың барлығы да цифрландырылған және оларды іздейтіндер болып жатса, Қазақстанның Ұлттық кітапханасы мен Семейдің Абай атындағы кітапханаларының сайтынан таба алады.

2018 жылдың 12 - 20 наурыз күндері қазақ этнографиясы бөлімінің қызметкерлері М. Горький көшесі, 59 мекенжайындағы «Алтай» көрме залында Өскемен қаласындағы мектептердің өтінімі бойынша «Наурыз -  жыл басы» атты мерекелік іс-шара ұйымдастырып, өткізді.

Көгілдір көктемнің ең басты мерекесі қарсаңында музей-қорықта сәндік-қолданбалы өнер бұйымдарының «Қош келдің, әз-Наурыз!» атты көрмесі ашылды.

Оған облыс орталығының, Семей, Зырян қалалары мен Катонқарағай, Ұлан және Глубокое аудандарының, сондай-ақ, Жаңа Баженов селосы мен Шүлбі кентінің шеберлері өздерінің сан түрлі техникада жасалған жұмыстарын қоймақ. Олар атап айтқанда, ұлттық нақыштағы киіз және тоқылған кәдесыйлар, кілемшелер мен паннолар, интерьерлік қуыршақтар мен ойыншықтар, тігілген және тоқылған кәдесыйлар, былғарыдан жасалған аксессуарлар мен әшекейлер, тасқа орнатылған алқалар мен салпыншақтар, ағашқа ойылған және жазылған кәдесыйлар, қайың қабығынан тоқылған торсебеттер мен құтылар, шпон мен шиыршықталған қағаз шыбықтан жасалған әдемі бұйымдар мен басқа да көптеген дүниелер.

2018 жылдың 2 наурызы күні орыс этнографиясы бөлімінің қызметкерлері Е.Ю. Рахматулина мен Е.Ю. Нечаев Абай даңғылы, 102 мекен-жайындағы ҮМЗ-ның көрме-ақпараттық орталығында кәсіпорынның кәсіподақ комитетімен жасалған келісім бойынша ҮМЗ АҚ жұмысшылары үшін «19 ғасыр соңы - мен 20 ғасыр басында Оңтүстік-Батыс Алтайды мекен еткен орыстардың мәдениеті» тақырыбында көшпелі көрме ұйымдастырды. Көрмеде музей-қорықтың қор топтамаларынан алынған, Кенді Алтай крестьяндарының ағаштан жасалған керек-жарақтары, тоқыма бұйымдары мен костюмдері және самауырлары мен басқа да заттары қойылды. Ғылыми қызметкерлер, атап айтқанда, Е. Рахматулина «19 ғасырдың соңы мен 20 ғасырдың басында Оңтүстік-Батыс Алтайды мекен еткен орыстардың мәдениеті», ал Е. Нечаев «Орыстың шәй мәшинесі (самоварлары)» атты лекциялар оқыды.

Музей-қорықтың қорындағы жәдігерлер туралы ақпарат Қазақстан Республикасының музейлеріндегі неміс тарихы мен мәдениеті жөніндегі колллекциялардың Тізбесіне енгізіледі.

Тізбені құрастыру ісімен Алматыдағы «Возрождение» неміс мәдени-этникалық қоғамы  шұғылдануда, оның қызметкерлері Шығыс Қазақстанға жасаған этномәдени  экспедиция кезінде музей-қорыққа ат басын тіреген болатын. Экспедиция мүшесі,  тарихшы  Елена Хабарованың түсіндіруінше Қазақстандағы  белгілі бір облыс аумағында тұрып жатқан немістердің тарихы мен мәдениеті жөніндегі этнографиялық коллекциялар,  заттар қоры мен фотодеректік материал  ерекше қызығушылық тудыруда.  Зерттеушілердің пікірі бойынша музей-қорықта неміс халқының тарихи-мәдени мұрасын зерттеу үшін өзіндік құндылыққа ие сирек жәдігерлер сақталған. Мәселен, 1861 жылдан бастап шығарылған «Кішкентай балаларға арналған мектептік жаршының» 1910 жылғы кітаптарын, сондай-ақ үйленутойылық  көйлектер мен гүлтәждер коллекциясын солардың қатарына  жатқызуға болады. Сондай үйленутойылық көйлектердің бірін Большенарым ауданының тұрғыны, 1937 жылы дүниеге келген М.И.Мильдонбергер тапсырған.  Мария Ивановна көйлекті 1957 жылы өзінің тойына арнап тіккен, ал 1991 жылы оны музей-қорыққа сыйлаған екен.

2018 жылдың 1 наурызы күні халықтық және сәндік-қолданбалы өнер бөлімінің қызметкерлері М.А. Бемм мен М.А. Торайғырова «Ульба» қалалық тұрғындарғы әлеуметтік қызмет көрсету орталығынан көмек алатындар үшін Алғыс айту күнін мерекелеуге орайластырылған «Сіздерге деген махаббатпен, қадірменді жерлестер» атты іс-шара өткізді. Тыңдаушылар іс-шара барысында шығысқазақстандық сәндік-қолданбалы өнер шеберлерінің бұйымдарынан тұратын «Шығармашылық қуанышы» атты көрмемен танысып, сол бойынша лекция тыңдады. Іс-шараға 62 адам қатысты.