Қ. Қайсенов көшесіндегі көрме залында Қазақстан Республикасының Тұңғыш Президенті Нұрсұлтан Назарбаевтың қызмет жолына арналған

«Уақытпен танылған Көшбасшы» атты көрме ашылды. Оны ұйымдастырған – музей-қорықтың көрме-экспозициялық жұмыс бөлімі.

14 маусым күні Өскемендегі №23 орта мектептің 1-4 сынып оқушылары Солжағалық кешенде болды. Сирек кітаптар және иконажазу

бөлімінің кіші ғылыми қызметкері Әсел Қаршалова оларға арнап паровозда шолу-танысу экскурсиясын жүргізді.

13 маусым күні  «Жастар» саябағында «Ұлы дала палитрасы» халықаралық пленэріне қатысушылар шеберлік дәрістерін өткізді.

Оған дейін облыстық өнер музейінде пленэрдің қорытынды көрмесінің ашылу  салтанаты болып өтті. Оған облыс әкімі Даниал Ахметов қатысты. Ол  музейге қойылған тамаша жұмыстары үшін әр елден келген суретшілерге алғыс айтып, ризашылығын білдірді. «Біз мұндай пленэрлерді жалғастыратын боламыз, - деді аймақ басшысы. Жобаға қатысушыларға ескерткіш жүлделер тапсырылды.

2019 жылдың 12 маусымында Шығыс Қазақстан облысының Білім басқармасының Кәмелетке толмағандарды бейімдеу орталығының тәрбиеленушілері  үшін «Музей-қорықтың ақпараттық-білім беру бөлімі» мамандарының «Жастар арасындағы қылмыстылықтың алдын алу және тәуекелге ұшыраған жастардың әлеуметтік пайдалы іс-әрекеттерге тартылуы бойынша ведомствоаралық ынтымақтастықты іске асыру» жобасы аясында, «Санкт-Петербургтегі Мемлекеттік Орыс музейімен танысу»атты іс-шара өткізілді. Іс-шараға 10 адам қатысты.

Шығыс Қазақстанда мәдениет, архивтер және құжаттама басқармасының басшылығымен «Рухани жаңғыру» бағдарламасы аясында «Ұлы дала палитрасы» атты үлкен шығармашылық жоба жүзеге асырылуда. Таяу және қиыр шет елдердің 10 елінен келген 20 суретші өз картиналарын салуда. Жобаға қатысушылар 12 маусым күні музей-қорығының Солжағалық кешеніндегі саябақта болып қайтты. 

2019 жылғы 1 маусымда Халықаралық балаларды қорғау күнін мерекелеу аясында музей-қорығының ақпараттық-білім беру бөлімінің қызметкерлері Санкт-Петербург қаласындағы Орыс музейінің материалдары бойынша Қазақстан Республикасы Ұлттық ұланының 5518 әскери бөлімі әскери қызметкерлерінің балаларына арналған «Суреші В.Васнецовтың ертегі кейіпкерлерімен бірге ертегілер әлеміне саяхат» атты іс-шара өткізді. Іс-шараға 45 адам қатысты.

8 маусым күні  музей-қорықтың Солжағалық кешеніндегі этноаулда татар халқының ұлттық мерекесі Сабантой атап өтілді. Жүргізушілер қонақтарды үш тілде: татар, қазақ және орыс тілдерінде қарсы алды. Концертке әртүрлі ұлт өкілдері қатысты.

31 мамыр күні С. Аманжолов атындағы Шығыс Қазақстан мемлекеттік университетінде саяси қуғын-сүргін құрбандарын еске алу күніне арналған «Кеңестік кезеңдегі саяси қуғын-сүргін құрбандары: зерттеулер мен еске алулар» тақырыбында республикалық ғылыми-тәжірибелік конференция болып өтті. Оған музей-қорықтың сирек кітаптар және иконажазу бөлімінің меңгерушісі Гүлжан Кашаку қатысты.

31 мамыр Қазақстанда саяси қуғын-сүргін  құрбандарын еске алу күні болып аталып өтіледі. Музей-қорық қызметкерлері Қазақстан Республикасының ішкі істері ұлттық гвардиясының 5518 әскери бөлімінде іс-шара өткізді. Оның барысында әскерилер мемлекетіміз тармхының қасіретті беттері жайлы танып-білді.