2019 жылдың 30 наурызы күні сағат 10.00-де «Рухани жаңғыру» бағдарламасын жүзеге асыру аясында Қазақстан-Американ еркін университетінде Шығыс Қазақстан облысы, Өскемен қаласындағы 29 мектептің 10-11 сынып оқушылары арасында Қазақстанның тарихы мен мәдениеті бойынша олимпиада болып өтті.

Наурыз –  көктемнің алғашқы белгілері көрінетін, Жаңа жыл келетін тамаша кез. Наурыз мейрамын негізінен мұсылман мемлекеттерінде тойланса да, діни мейрамға жатпайды, себебі, күн мен түннің теңелуі, табиғаттың жаңаруы халққа жақсы әсерін тигізіп, асыға күткен мейрамды дүркірете тойлайды.

22 наурызда Өскемендегі Республика алаңында Наурызды мерекелеуге арналған іс-шаралар болып өтті. Оған музей-қорық та қатысты.

Мерекелік аумақта орын тепкен жеті киіз үйдің әрқайсысы Қазақстан Республикасының Тұңғыш Президенті Нұрсұлтан Назарбаевтың «Ұлы даланың жеті қыры» атты мақаласының әрбір тарауына арналды. Олардың бәріне дерлік музей-қорықтың қорынан алынған жәдігерлер қойылды.

10 наурызда облыстық Достық үйінде жергілікті қолөнер шеберлері  бұйымдарының көрмесі ұйымдастырылған Масленица мерекесі болып өтті. Көрмені ұйымдастыруға музей-қорықтың халықтық және сәндік-қолданбалы өнер бөлімі атсалысты.

5 наурызда орталық қалалық кітапханада шығысқазақстандық жазушы, журналист Мүсілім Құмарбековтің 80 жылдығына арналған әдеби кеш болып өтті. Сирек кітаптар және иконажазу бөлімі «Алтай – менің алтын бесігім» атты көшпелі көрме ұйымдастырды.

Шығыс Қазақстан облыстық аймақтық байланыс орталығында   26 ақпан күні музей-қорықта  ашылатын «Шығыс Қазақстанды тамсандырған ғажап Қытай» атты алғашқы қытай мәдени-туристік көрмесін өткізу туралы баспасөз конференциясы өтті.

12 ақпан күні музей-қорықтың ақпараттық-білім беру бөлімі  Кеңес әскерлерінің Ауғаныстан жерінен  шығарылғанына 30 жыл толуына орай, №36 орта мектебінің орта және жоғарғы сынып оқушылары үшін «Ауғаныстан – жазылмас жара» атты тақырыптық іс-шарасын өткізді.

Сирек кітаптар және иконажазу  бөлімі Жазушылар Одағының мүшесі, ақын, Өскемен қаласының Құрметті азаматы Серік Ғабдуллинге  арналған   IV Ғабдуллин оқуларына қатысты.

Оқу Өскемен қаласы әкімдігінің «Оралхан Бөкей атындағы орталықтандырылған кітапханалар жүйесі» КММ қалалық кітапханасында өтті. «Сирек кітаптар және иконажазу»  бөлімі музей-қорықтың қор жинақтамаларының негізінде  «Серік Ғабдуллиннің өмірі мен шығармашылығы» атты  көрме  ұйымдастырды. Көрмеге ақынның домбырасы, сағаты, жазу машинасы және басқа да мемориалды заттар қойылды.  Бөлім меңгерушісі Гүлжан Кашакудың айтуынша, көрмеде тұрған заттардың бір бөлігін Серік Ғабдуллиннің өзі музей-қорыққа тарту етті. Солардың қатарында  оның досы Ғазез Сәттібаев салған  Серік Ғабдуллиннің кескіндемелік портреттері бар.     2012 жылы музей-қорықта Серік Ғабдуллиннің 75 жасқа толуына орай көрме ұйымдастырылған болатын.  Ғабдуллина Шынар Серікқызы 2017 жылы музей-қорыққа ақынның мемориалдық заттарының тағы бір бөлігін сыйлады.  Оның ішінде Жамбыл Жабаевтың және Сәкен Сейфуллиннің бюсті бар.

Музей-қорық Қазақтың спорт және туризм академиясы ғылыми-зерттеу институтынан  «Ұлы Сібір экспедициясының маршруттарымен» атты халықаралық  жобаға қатысуға ұсыныс алды. Жоба Ресейдің 40 аймағы мен 11 елді, оның ішінде Қазақстан Республикасы да бар, біріктіріп отыр.