Қ. Қайсенов кентінің тұрғындары мен қонақтары 23 наурыз Наурыз мерекесін тойлау күнінде Өскеменнен келген сәндік-қолданбалы өнер шеберлерінің қатысуымен өткен көрме-жәрмеңкеге барды. Өз жұмыстарын ұсынды: Ж. Казез - домбыралар, шертер және екі ішекті домбыра, Е. Тоқай -сырмақтар, бөстектер мен кілемшелер, сондай-ақ этно-әшекей шеберлері И.Бахытова, Б.Калелханова және басқа да жас қолөнершілер. Ұйымдастырушы әрі жауапты тұлға - Ж. Рахатова болды. Көрме-жәрмеңке сағат 10:00-ден 15:00-ге дейін өтті.

Қосымша фотосурет ...

Осы күні ШҚО этнографиялық музейі киіз үйде мерекелік тақырыптық экспозиция дайындады, ол келушілерге қазақ халқының тұрмыс-тіршілігі және бай мұрасымен жақыннан танысуға, өткен дәуірдің рухын сезінуге, сондай-ақ ұлттық дәстүрлер туралы көбірек білуге мүмкіндік берді. Сондай-ақ, қонақтарға музейдің қор топтамасындағы дизайнер К.Акашованың ұлттық киімдерінен сәнді дефиле көрсетілді. Бірегей бейнелер, дәстүрлі элементтер және ұлттық киімнің заманауи үлгідегі көрінісі мәдени мұрамыздың әсемдігі мен сан алуандығын айшықтай түсті.

Ұлыстың ұлы күні Әз-Наурыз меркесі күні Республика алаңында сәндік-қолданбалы өнер шеберлері мен әуесқой қолөнершілер өз бұйымдарымен жәрмеңкеге қатысты, қатысушылар саны 61. Дәстүрлі бұйымдардан домбыра, құрақ және этно киімдер болды. Заманауи бұйымдардан түрлі әшекей, кәдесыйлар мен ойыншықтар келушілер назарына ұсынылды. Көрме-жәрмеңке сағат 9.00 ден 16.00 дейін өтті.

Қосымша фотосурет ...

19 наурыз күні сағат 11:00-де Шығыс Қазақстан облыстық этнографиялық музейінде Наурыз мейрамына арналған академиялық портреттік кескіндеме бойынша шеберлік сабағы өтіп, оны Т. Жүргенов атындағы Қазақ ұлттық өнер академиясының түлегі, суретші Қуаныш Акуов жүргізді.

Суретші шеберлік сабағы барысында ұлттық әйел бейнесіндегі модельдің портретін салып, жұмыстың негізгі кезеңдері мен киім өрнектерін өңдеу тәсілдерін көрсетті.

Толығырақ...

ШҚО этнографиялық музейінде Өскемен қаласының жалпы білім беретін мектептерінің оқушыларына арналған «Наурыздың сыры – көктемнің нұры» атты танымдық іс-шара өтуде. Онда балалар мерекенің тарихымен, дәстүрлерімен, сондай-ақ музейдің қор топтамасындағы жәдігерлермен танысады. Шара Наурызнама онкүндігі аясында өтуде, яғни бір күні ұлттық киімге арналып, оның мәдениеттегі маңызды рөлін және ұлттық бірегейліктің айнасы екенін көрсетеді. Іс-шара халық ойындарымен қызықты өтуде.

Қосымша фотосурет ...

«Ұлттық киім – ұлт мұрасы» атты танымдық шеберлік дәрісі М. Горький көшесі, 59 музей ғимаратында Қазақстан Республикасының Суретшілер одағының мүшесі К. Акашова эскиздер көрсетті, қазақ ұлттық киімін тігу жолдарын түсіндірді және кимешек жасау кезінде қолданылатын «біз кесте» шеберлігін үйретті. Қазақ киіз үйінде Ж. Рахатова экскурсия жүргізіп, оның құрылымы мен дәстүрлері туралы айтты. Шараға Д. Серікбаев атындағы Шығыс Қазақстан техникалық университетінің студенттері қатысты.

Қосымша фотосурет ...

Наурыз мерекесі қарсаңында қазақ этнографиясы және сәндік-қолданбалы өнер бөлімдері бірлесіп «Наурыз – ең қызықты мереке» атты мерекелік іс-шараны ұйымдастырып, өткізді. Іс-шараның мақсаты – ұлттық салт-дәстүрлерді насихаттау, мәдени мұраны сақтау және жас ұрпақтың ұлттық құндылықтарға деген қызығушылығын арттыру. Іс-шара барысында «Белес» этно-фольклорлық ансамблінің мүшесі Кащей Ардақ қобыз аспабында күй орындады. Қазақ халқының «Амандасу», «Көрісу» дәстүрлері көрініс ретінде ұсынылды. «Белсенді ұзақ өмір» орталығының мүшелері Ж.Иляшева мен С.Серікбаева халық әндерін орындады. Оқушылар шығармашылық сарайының «Нұр-Алтай» үйірмесінің қатысушылары А.Қабыш пен Т.Мақажан ұлттық би биледі. Сонымен қатар «Селт еткізер» дәстүрі таныстырылып, ұлттық ойындар ұйымдастырылды. Іс-шараға мектеп оқушылары мен қонақтар қатысты. Іс-шара жүргізушісі – К. Акуов болды. Іс-шара соңында белсенді қатысушыларға Алғыс хаттар табысталды.

2026 жылдың 5 наурыз күні бөлім қызметкері Ж. Рахатова ШҚО өнер музейімен бірлесіп «Дәстүр сұлулығы» атты танымдық сабақ ұйымдастырып өткізді.  «Белсенді ұзақ өмір орталығының» тігін тігу үйірмесінің жетекшісі - Гульбарам Сеитханқызы Коксегенова, сәндік-қолданбалы өнер шебері. Құрақ құраудың қыр-сырын жетік меңгерген, оны замануи бағытта дәріптеп жүрген, шығыс құрақшыларының белсенді мүшесі. Шара қонақтары: А. Умбетова, А.Абиева және М. Калиаскарова – шығыс құрақшылары.   Қатысушылар - С.Аманжолов атындағы Шығыс Қазақстан университетінің I курс студенттері.

«Заң мен тәртіп» тұжырымдамасы аясында ШҚО этнографиялық музейінің қызметкерлері С. Аманжолов атындағы ШҚУ-дың 1-курс студенттері мен музей қызметкерлеріне «Қазақстандағы волонтерлік қызмет: бағыттары мен ерекшеліктері. Волонтерлік қозғалыс – патриоттық тәрбие берудің құралы ретінде» атты іс-шара өткізді. Іс-шара құқықтық және әлеуметтік мәдениетті қалыптастыруға, қоғамдағы азаматтық жауапкершілік қағидаттарын нығайтуға, Қазақстандағы волонтерлік қозғалысты насихаттауға бағытталды. Спикерлер ретінде Жастар ресурстық орталығының қалалық волонтерлік фронт-офисінің жетекшісі Анель Ренатқызы Шарипжанова, С. Аманжолов атындағы ШҚУ студенті, волонтер Елдос Калиев және музей-қорықтың ақпараттық-ағарту бөлімінің меңгерушісі Ш.М. Карибаева сөз сөйледі.

Қосымша фотосурет ...